ايه يعني تتجوزي من غير شبكه غاليه او تتجوزي في شقه صغيره او شقة ايجار؟!!! او تشتغلوا انتوا الاتنين و تعيشوا بالنص سوا ؟ فيها ايه لما ترضي تدخلي بالقليل و ربنا يكرمكم بعد كده؟ ايه المشكله ماتجيبيش طقم صيني ٨٥٤ قطعه او ماتجيبيش صيني خالص اللي انتي اصلاً مش بتستخدميه بعد الجواز وتركنيه وتجيبي اطباق حلوه وموضه زي بتاعة المطاعم!؟ ايه المشكله لما تجيبي ٤ حلل تيفال وكم بايركس ودستة cutlery وخلاص وشكراً ليه لازم ١٥ من كل نوع! ايه المشكله لو اتجوزتي وعفشك مش كله كامل واستنيتي علي غرف البيبيهات لحد ما ييجوا او جبتي الفرش المهم وباقي الزحمه بعدين؟
ايه يعني تصدقينا ان مافيش حاجه اسمها مفرش سرير!! وان كل الناس بتنام علي اي ملايات والحفه وبطاطين حتي وهم عرسان جداد ! ايه يعني يبقي مافيش نيش ولا دولاب فضة ولا طقم كاسات كريستال طبيعي ومش كل اللبس والاجهزة الكهربائية لازم يبقي جديد بالتيكيت!؟ ممكن يبقي عندك في بيت اهلك اجهزة ماستخدموهاش سنه علي بعض ومش محتاجينها ايه يعني تبتدي بيها؟ايه فكرة ان العفش لازم يبقى غالي نار عشان يعيش ٥٠ سنه وموضته تبطل مانغيره تاني اما يتبهدل بعد ١٠سنين بموضه احدث والوان وستايلات ابهج والتغيير دا يحلي نفسية البيت كله!! يعني ايه تصرفوا دم قلبكوا عشان تبهروا الناس او تكملوا ليستة المشتريات اللي حاططها المجتمع الجاهل واللي مش اكتر من كراكيب بفلوس كتييير وزحمه في البيت تجيب اكتئاب!! ايه يعني الفرح يتعمل ف بيت او نادي صغير او حتي سهرة ف Pub لو الجوازه واقفه علي فلوس الفرح؟
لو كان راجل بجد ويستاهل وده طبعاً نادر انك تلاقيه بس غير قادر مادياً عالخزعبلات دي .. اعملي كده عشانكوا وماتسميهاش تضحيه عشان دي مش تضحيه ده الجواز في العالم كله كده✋ وماتديش لأهلك او للمجتمع الجاهل الفاشل بعاداته وتقاليده المقرفه فرصه يتحكموا فيكي و يقلبوا الجوازه مشروع تجاري ! وانتي ماتتجوزيش واحد مشروع تجاري ويبقي كل همك في الجوازه هطلع منه بكم كل شهر وهيفسحني ازاي ممكن كل يوم يفسحك بس في الخروجة متبقوش طايقين بعض ملل ويجيبلي ايه ويديني مصروف كم وهنتفع منه ب مصلحة إيه عشان لما يعاملك بعد كده انه سلعه اشتراها ماتزعليش!
01 - 07 - 2017, 10:50 PM
رد: الجواز مش مشروع تجارى
العرض العادي
