انت بتربي راجل...

[Rena Jesus]

الاعلان دا لفت انتباهي جدا
شباب كتير اتربوا بالشكل دا...
وغالبا بيكون شاب محترم بس والده شخصيته طاغيه او عصبي او صعب التعامل معاه
الشاب دا بيكون في مزنق ومشكلة حياتيه كبيرة وهي شخصية الاب اللي بتدوس على كرامته وبتمحي شخصيته وتموته كراجل حرفيا وبين عظم وجلال ذنب عقوق الوالدين...

فبالتالي رد فعل الولد الطبيعي غالبا بيكون احد الافعال دي:-

1. يتخانق مع ابوه ويتوحش ضده
ويدخل في عقوق الوالدين وبشده تساوي توغل اذى الاب في نفس الابن

2.ينكمش وشخصيته تضعف اكتر واكتر واكتر وما يبقاش راجل ودا بكذا شكل..
ممكن يكون طري نفسيا وممكن يبقى ندل او جبان...او اي صورة من صور ان الجسم جسم راجل والشخصية مش راجل اوي...
يعني انسى المرؤة والشجاعه والذي منه

3. الانسحاب...
ينسحب الابن في عالم يصنعه لوحده..يصنعه عن طريق النت..
عن طريق شله صحابه اللي بيكبروه وبيعاملوه كراجل...عن طريق واحده بيدخل معاها في علاقه تغذي عنده شعور انه راجل....
ودا بيبقى خطر اكبر تربويا...لانك كأب مش عارف ايه العالم اللي دخل عليه عالنت ولا اصحابه ولا البت اللي دخل معاها في علاقه بخلاف ان دا حرام.

ولما بيكبر الاب وبيضعف بحكم السن بيكون قدامه احدى النماذج اللي فاتت دي
الاول العاق اللي بيرد كل اهانه من ابوه لما كان صغير
الثاني الندل او الجبان او الطري (تقدر تقول الميت).
الثالث المنفض لابوه وامه وكل قرايبه وعايش في عالمه وبيهرب من ماضيه الى مستقبله او بيهرب عموما من ابوه وامه اللي بيفكروه بشخصيته الضعيفه

الاب هنا بيكون جاهل بحجم ما يفعله من كارثه و غالبا بيكون دافعه الخوف على ابنه لاي سبب كان
في النهايه لو انت اب لولد يبقى لازم تحترمه وتكبره و تقوي رجولته ومرؤته واحساس المسئولية داخله....
انت بتربي راجل...كفايه كائنات مشوهة بقا ارجووووك

[sama smsma]

موضوع فعلا مهم جدا
التربية الغير سليمة بتطلع جيل محتاج يتعالج نفسيا اصلا

[مورا مرمر]

موضوع جميل جدااااا
ربنا يفرح قلبك

[مورا مرمر]

موضوع جميل جدااااا
ربنا يفرح قلبك

[Mary Naeem]

انت بتربي راجل...كفايه كائنات مشوهة بقا ارجووووك

صح يا قمر

ربنا يباركك حببتي

[walaa farouk]

موضوع جميل يا رينا
ربنا يفرح قلبك

[Rena Jesus]

ميرسى لمروركم الغالى