كبرت وعرفت

[shery jesus]

كبرت وعرفت أن اختيارات بسيطه تعمل نتايج كبيره بعدين

كبرت و عرفت أن كل مشاكلى اللى وقعت فيها انا المسئول عنها مش حد تانى،نتيجه حريه ارادتى

كبرت وعرفت أن مش بكتر وعدد الاصحاب،لكن بعمق وقوه العلاقات..حتى لو يتعدوا على الصوابع

كبرت وعرفت أن السعاده الحقيقيه هى فى الخروج بره ذاتى واحتواء واهتمام و إسعاد اللى حواليا

كبرت وعرفت ان الالم أكبر وأقوى مدرسه،حتى لو أسمها الالم

كبرت وعرفت أن مفيش حاجه أسمها متأخر او الوقت فات،انا الى دايما بستعجل ارادة ربنا ..لكن لكل شىء وقت

كبرت وعرفت أن الندم عمره ماهيرجع اللى راح،وان لازم الحياه تمشى وانه يوجد عند يسوع رجاء

كبرت وعرفت ان أنجح الناس اللى قادرين يعيشوا التوازنات فى حياتهم

كبرت وعرفت ان نظرتى لنفسى اهم حاجه،لو وقعت او أتكسرت حياتى هتتحول لجحيم

كبرت وعرفت ان لازم وضرورى كل فتره أعبر للناس اللى بحبهم انى فعلا بحبهم،بأى وسيله..وماكتفيش ان هما عارفين كده

كبرت وعرفت ان كل واحد جواه طفل،وعلى قد ما بيديله المساحه الكافيه المعقوله على قد مايعيش حياه هاديه وبسيطه

كبرت وعرفت ان العيله أهم وأحلى كنز فى الحياه،ولو ماقدرتش قيمتهم هافقد الامان وهاتوه

كبرت وعرفت ان الحقيقه الثابته المؤكده اللى مافيهاش اى نسبيه ان الله صالح وبيحبنى ومتابعنى 24 ساعه ف 7 ايام،وعمره ما مل منى او رمى طوبتى..دايما متبت فيا وشايفنى بصوره ماتتوصفش واحلامه ليا مابتخلصش

واخيرا..كبرت وعرفت ان ماكبرتش ولا حاجه ولسه ماعرفش حاجه، وان كل يوم فيه جديد وكل شخص هقابله هايعلمنى أكتر..وان أى أكتئاب او أستسلام او أحباط او حتى أكتفاء خيانه لنفسى ول اللى بيحبونى ولربنا

[Mary Naeem]

كبرت وعرفت ان ماكبرتش ولا حاجه ولسه ماعرفش حاجه،

ياريت كل الشباب يفهموا كدا

شكرا يا قمر

[shery jesus]

ميرسى لمرورك الغالى اختى الجميلة

[walaa farouk]

كبرت وعرفت ان الحقيقه الثابته المؤكده اللى مافيهاش اى نسبيه ان الله صالح وبيحبنى ومتابعنى 24 ساعه ف 7 ايام،وعمره ما مل منى او رمى طوبتى..دايما متبت فيا وشايفنى بصوره ماتتوصفش واحلامه ليا مابتخلصش


ميرسى على مشاركتك الجميلة

[shery jesus]

ميرسى لتشجيعك لولو

[MenA M.G]

كبرت وعرفت ان العيله أهم وأحلى كنز فى الحياه،ولو ماقدرتش قيمتهم هافقد الامان وهاتوه

أكبد العيلة أهم كنز .. والموضوع دة لازم الكل يتعلم منه

ربنا يبارك خدمتك

[shery jesus]

ميرسى مينا لتشجيعك ربنا يبارك خدمتك