كل لحظة بتمر من عمري وانا مش في حضن إلهي انا بخسر فيها حياتي اللي فاتت واللي جاية والحياة الأبدية كل ماعقرب الساعة يجي علي وداني بفتكر لحظة اللي كان فيها المسيح متعلق علي خشبة الصليب شايل الخطايا عني وكل لحظة هو مستني ان احنا نيجي ونرتمي في حضنة ليه التأجيل وليه التأخير مش يمكن يفوت الوقت ويعدي مايبقاش في وقت نرجع فيه وتروح حياتنا هبا. ياناس فوقوا قبل ما الوقت يفوت ويجري من ايدينا الحاجة الوحيدة اللي مش بنقدر نسيطر عليها هي الوقت. لو كل واحد بص علي الوقت وعلي الساعة انها بتفوت بسرعة هيعرف ان الوقت بيجري منه وان عداد العمر بينقص مش بيزيد شوف كام مرة ضيعنا مننا وقت في كلام فاضي وكام مرة ضيعنا وقت في كلام مليان وكم مرة ضاع الوقت قصاد ربنا. ياناس ربنا واقف علي باب قلوبكم مستني انه يدخل يملك علي حياتكم ليه مش بتديلة الفرصة ليه تأجل مش يمكن آخر فرصة والعمر يكون آن انك تمشي وتوداع الدنيا. هل فكرت للحظة لو عقارب ساعتك وساعة حياتك وقفت إيه اللي هيحصل وهيكون مصيرك فين ليه التأجيل وليه البطء في اتخاذ القرار قرار الرجوع هل هو صعب ولا هو مجرد انتهاز الوقت بس خليك فاكر ان الوقت بيجري ون اللحظة اللي بتفوت مش بترجع مهما حاولت انك ترجعها انت عارف انك هتعطي حساب عن وقتك ضاع في ايه وضاع ازاي هل ضاع في خطية في نجاسة في عادة في نميمة في ادانة في حقد في كره في انتقام في حسد ولا ضاع في البحث عن النفوس الضايعة ضاع في البحث عن الدرهم المفقود ضاع في البحث عن الإبن الضال ولا ضاع في جلسة في محضر ربنا. خلي بالك ان الرب قال: إنتم ملح الأرض إنتم نور العالم. هل كنت في لحظة من لحظات حياتك نور للعالم هل كنت ملح للأرض هل عملت أعمال حسنة فاللي شاف هذه الاعمال مجد اباك الذي في السموات هل فكرت في صديق ليك بجوارك كان محتاج انه يسمع عن ربنا هل وصلت رسالة المسيح صح ولا انت بس مركز في حياتك وفي متعك الشخصية وإحتياجاتك الشخصية خليك فاكر إن الرب محددش اشخاص معينين لما قال: إكرزوا بالإنجيل للخليقة كلها. يعني ممكن ان انت وانا وكل اللي حوالينا الله يستخدمهم اننا نوصل رسالته متقولش اني معرفش موسي كان تقيل اللسان ومع ذلك واصل الرسالة وبولس كان عنده شوكة في الجسد ومع ذلك واصل الرسالة بطرس كان صيد سمك وبمعونة الله جعله صيد لناس وواصل الرسالة . المهم انك تكون ليك علاقة مع الرب يسوع وتطلب منه انه يساعدك ويستخدمك انك تواصل رسالته للي حواليك. اصحابك, جرانك, اقربائك. كل شخص ليك علاقة بيه اتمني انك تكون فهمت قصدي والناس كمان فهمت ان الوقت بيمر بسرعة وان اللي جاي من العمر اكيد مش هيكون قد اللي فات وان الرب علي الابواب وأكتر باب الرب واقف علية هو باب قلبك يلا اديله الفرصة علشان يدخل ويجد مرعا وإنك تصير إبن لله لإن دا كلامه مش كلامي.
إمضاء ... رسالة من السماء
12 - 03 - 2017, 06:39 PM
رد: رسالة من السماء لازم تقراها
العرض العادي
