ماتياسش لكن انتظر

[walaa farouk]

كنت مع صاحبتي وهي بتولد وكانت الولادة متعسرة، لأن البيبي كان هيتولد بدري أوي عن ميعاده والدكتور كان بيحاول يخليها تستحمل الوجع لأن الرئة بتاعة البيبي مش مكتمله ومش عايزه يتولد بدري غير لما الرئه تكتمل شوية وبرغم من أن صاحبتي كانت متألمة أوي لكن قررت انها تستحمل وتسمع كلام الدكتور لانه اكيد عايز سلامتها وسلامة البيبي..

كتير مننا لما يكون بيمر بأزمة معينة أو مشكلة كبيرة بيكون مستعجل أوي على الحل وبيطلب من ربنا استجابة سريعة، لكن في الحقيقة الحل بالظبط زي البيبي في بطن امه، لو جه بدري بيكون مشوّه ومش مكتمل ولو جه بعد ميعاده ممكن يكون ميت، لكن لما بيجي في وقته بيكون مكتمل وفي احسن صورة.. ماتيأسش مهما طالت الأزمة لكن انتظر

[Rena Jesus]

ميرسى ربنا يبارك تعب محبتك

[walaa farouk]

ميرسي على مرورك الغالى رينا

[Mary Naeem]

توبك جميل

ربنا يباركك

[MenA M.G]

دائماً مُشاركاتَكْ رائْعة
موضوعك مُمَيز
ربنا يبارك خدمتك