رباعيات تتكلم عن بعض الدروس لحياتنا الروحية

[nasser]

10-همومى ومخاوفى
همومى ومخاوفى وكل الحاجات
جابتنى قدامك يارب فى سُكات
مش قادر أقوم ولا قادر أقول
بس أنت سامع كل التنهيدات

[nasser]

11-طير محبوس
يا طير محبوس فى القفص مستنى يوم عيدك
وتغنى صُبح وليل وتسقّف بإيدك
والكل يدعوا لك:ربنا يزيدك
أتاريك حزين فى القفص ودا سر تغريدك

[nasser]

12-إزاى أصلى
علّمنى إزاى أصلى وأكون فى حضرتك
وأتمتع بيك تملى وأدوق من نعمتك
وأطرح همومى قدامك ويحل مكانها سلامك
وأنا بيك هيمان ودايب فى محبتك

[Rena Jesus]

روووووووعه مستر ناصر
متابعه معاك
ربنا يفرح قلبك

[nasser]

روووووووعه مستر ناصر
متابعه معاك
ربنا يفرح قلبك
شكراً يا رينا على تشجيعك ومرورك الجميل

[nasser]

13-معنى الشباب
الشباب يعنى المغامرة والاكتشاف
يعنى الحياة باختلاف
يعنى التشكيل الإلهى
زى الطينة فى إيد خزاف

[nasser]

14-الشيوخ والشباب
الشيوخ ويا الشباب
ينفعوا يبقوا صُحاب
الشيوخ بالمشورة
والتنفيذ على الشباب

[Mary Naeem]

مجموعة جميلة جدا استاذنا

ربنا يباركك

متابعة معاك

[nasser]

مجموعة جميلة جدا استاذنا

ربنا يباركك

متابعة معاك

شكراً مارى على تشجيعك ومرورك الجميل

[nasser]

15-اقتراح
شباب عندى ليكم اقتراح
استغلوا وقت البراح
اقروا كتير صلوا كتير
وزى يوسف عيشوا النجاح