"لاَ تَدِينُوا لِكَيْ لاَ تُدَانُوا "

[walaa farouk]

لاَ تَدِينُوا لِكَيْ لاَ تُدَانُوا " !!

من أشهر الأيات في الكتاب المقدس، كلنا عارفينها وحافظينها من زمان ودايمًا بنستخدمها في الوعظ.. لكن في الحقيقة لما بيقع حد تحت ايدينا بيعمل حاجة غلط مابنسيبوش في حاله أبدًا وعلى رأي المثل " وإن وقع الجمل كترت سكاكينه!! " .. أنا مش بقول اننا نغمي عينينا عن الغلط ومانحاولش نصلحه او حتى نقول ان ده غلط، انا بتكلم عن الادانه! فيه فرق كبير بين التوجيه والادانه والشماته واني اعمل نفسي صح ومابغلطتش او اني استحالة في يوم من الأيام اغلط الغلطة دي مافي فينا حد كبير على الغلط .. زمان حصل نفس الكلام مع السامرية ودي اكتر قصة مشهورة في الكتاب المقدس عن الادانه وازاي كانت الناس بتبصلها بنظرة وحشة ومحدش بيفتكر بعدها انها اتغيرت ونفس الحكاية مع راحاب الزانية، اللي لسه اسمها مرتبط بالزنى لحد دلوقتي ومش واخدين بالنا انها اتذكرت في سلسلة نسب المسيح ومافيش بقى اكتر من قصة بطرس وانكاره ليسوع وكل الناس اللي غلطت في الكتاب المقدس.. بس الحاجة الوحيدة المشتركة بين كل دول، ان الرب يسوع ما اتكلمش عليهم وحش ولا ادانهم أبدًا . صحيح كان بيواجه الغلط اللي بيعملوه وبيعنف المجتمعات اللي همّها بس المناظر لكن في نفس الوقت بيحبهم وكان بيساعدهم .. لو عايزين بجد تغيروا المجتمع اللي انتوا عايشين فيه .. اعملوا زي يسوع .. كونوا زي مُعلمكم.

[MenA M.G]

دائماً مُشاركاتَكْ رائْعة
موضوعك مُمَيز
ربنا يبارك خدمتك

[Rena Jesus]

ميرسى ربنا يفرح قلبك

[Mary Naeem]

موضوع مميز
ربنا يباركك

[walaa farouk]

ميرسي كتير على مروركم الغالى