عايز تبقي حلو وزي القمر؟؟

[ابن الباباا]

عايز تبقي حلو وزي القمر؟؟

ببساطه ؟!!
اعمل زي ما القمر بيعمل ،

* ايه اللي بيعمله القمر ؟؟؟
حاجة بسيطة جداَ ومش متعبة خالص ...
كل اللي بيعمله انه يقف دايماَ قدام الشمس واحنا عارفين ان الشمس عبارة عن نجم مضئ وحرارته عالية جداَ

والقمر كوكب معتم و كله صخور وظلمة لكن سر النور اللي فيه بيجي من الشمس هي بتعكس نورها عليه فيظهر لينا بشكله الجميل ونوره الحلو .

يعني الفضل يرجع للشمس و لكن لما تقف الأرض بين الشمس والقمر تحجب الضوء عن القمر فيرجع لصورته المظلمة و كده مش هيبقى ليه فايدة .


********
لو طبقت الكلام ده مع نفسك كل ما تقف قدام شمس البر اللي هو ربنا يسوع المسيح ينعكس عليك نوره و بهاؤه وجماله لأنه ابرع جمالاَ من بني البشر

وتصبح انسان حلو وجديد مملوء من الروح القدس العامل فيك و معك و الناس هتشوفك وترتاح ليك و تتبسط من البشاشة و التواضع و الهدوء وجمالك الداخلي من ايمان و محبة ونقاء

لكن لو وضعت الأرض بكل ما فيها من شهوات و متعلقات ارضيه بينك و بين ربنا هترجع تاني للفتور و القلق والضعف لأنه كيف يتحد النور مع الظلمة.


********
ياليتنا نبتعد عن الشهوات و المقتنيات الأرضيه و نحاول ان نطيل المده التي نقف فيها امام ربنـا سواء في الكنيسة او في صلاتنا الخاصة لكـي نمتلئ بالروح من الداخل فنفيض على غيرنا من الخارج ولكي يرى الناس اعمالنا الصالحة فيمجدوا أبانا الذي في السموات .

[كاترينا]

دي نصيحة جميلة وغالية جدا يا ابن البابا
ربنا يبارك حياتك وخدمتك