كان ليا صديق معجب جدا ببنت معاه في الكلية بس للأسف إعجابه ده فضل مدفون جواه لغاية ما هي بعدت عنه خالص .. و كنت لما أساله أيه اللي مانعك انك تحاول تقرب منها او تكلمها كان بيرد انها اعلي منه ماديا او من عيلة أجتماعيا أفخم من عيلته ...
للأسف ممكن يكون كلام افلام او روايات قديمة , بس المستوي المادي و الاجتماعي بيلعب دور مهم جدا في الارتباط بين الناس و خصوصا عند الولاد .. فزي ما يكون في نظرية عند اغلاب الرجالة ان مينفعش البنت تكون اغني او اعلي و ده ساعات بتبلور عند بعض الرجالة الناقصة أنهم يحاولوا يكسروا في عزيمة خطبيتهم او مراتاتهم عشان يبقوا دايما أقل و بكدة يعرف يفرض سيطرته عليها ! بس هل صديقي كان عنده المشكلة ديه ؟؟
الصراحة , فكرة التركيز في الوضع الاجتماعي و المادي للشخص موضوع مهم و مش سطحي زي ما ناس كتير معتقدة , اه هو مش مقياس جذري انه يهدم او يبني علاقة , بس بيبقي في صعوبة في التعامل بين اي اتنين لو من خلفيات اجتماعية متضاربة او مستوي مادي بعيد جدا , فده بينعكس في السلوكيات و التربية بتاع كل طرف ... مش الهدف خالص اني اكون عنصري في الحكم علي شخص حسب خلفيته المادية او الاجتماعية , بس انكار اهمية الموضوع ده هبل و سخف .. فمش معني كدة أننا نتغافل عن أهم حاجة بتظهر المعدن الحقيقي لاي علاقة و هي صدق المشاعر ...
شخصية رفعت اسماعيل في " ما وراء الطبيعة " كانت بتقول : ( يبدو أن البقاء معي أمرٌ صعب للغاية، فأنا لا أعطي إلا القليل. لكنني أعطي أشياء حقيقية، أشياء لا تغادرك حتى و إن غادرتني. . ) فالمقدار العطاء مش بالحجم او الكيلو أنما بصدق و وفاء العطاء ده ... فانتا ممكن تكون اقل من اللي بتحبها ماديا او اجتماعيا بس انتا مستعد تديها الاقل اللي عندك ده بكل سعادة و تضحية , علي عكس شخص عنده الكتير بس بخيل في عواطفه و حبه ... غير نقطة الخوف من نظرة اللي بتحبها ليك لازم توقع لو فعلا بتحبوا بعض ..
فالبنت الأصيلة اللي متربية عمرها ما حتكون بتفكر انها تعايره باي عيوب او نواقص , بالعكس حتلاقيها في ضهره و بتحاول دايما تخلي حتي احسن منها ! فمقياس المحبة الحقيقي هو مقدار تحمل كل طرف من ألام و مشاكل في سبيل الحفاظ علي التاني .. فاللي بيحبك بجد مش حتفرق معاه انتا ايه لوحدك قد ما هو حيكون ايه و هو معاك ..
06 - 01 - 2017, 10:48 PM
رد: معضله البنت الأعلى ماديا او اجتماعيا
العرض العادي
