هام جدا وحصريا حوار صحفى

[بنت معلم الاجيال]

راعوث مثل رائع جدا و شخصية عظيمة ياريت تكون البنات دلوقتي زيها
ميرسي خالص علي الحوا الجميل و المعلومات الجميلة ربنا يفرح قلبك

[ماريا تى ثيؤتوكوس]

راعوث بتوضح معنى المحبه الحقيقى سابت اهلها وبلدها
علشان حماتها والدة جوزها المتوفى كمان
واتجوزت واحد اد جدها علشان تقيم نسل وتفرح قلب حماتها
ميرسى كتير ماريت للمشاركه المتميزه

[بنتك انا]

اتصفت راعوث بعدد من الصفات التي جعلها فتاة ثم امرأة متميزة
حملت راعوث محبة لحماتها

كانت شجاعة في أن تترك بيتها وبيت أبيها، لترحل مع حماتها

الطاعة والأمانة من الصفات التي اشتهرت بهما راعوث، وقد تجلت طاعةراعوث فيما طلبته منها نعمى حين قالت لها أن تذهب لبوعز وتعرض عليه الزواج، وبطريقةغريبة حتى على أذهاننا، وعلى التقاليد التي تربت عليها راعوث، لكن في طاعة تامة،وأمانة كاملة في التنفيذ، عملت راعوث كل ما قالت لها نعمى، لم تناقش، لكنها كانتتدرك مكانتها لدى نعمى، كما كانت تدرك مقدار الحب الذي تكنه له حماتها، فكانتالطاعة تعبيراً لصدى ذاك الحب، ترى ما هو موقفك إذ طُلب الله منك عمل أشياء قد تبدوغريبة وغير مألوفة عليك، هل تسرع لتحقيق ما يطلبه منك الله، آم تقف لتتساءل، وتُضيععليك فرصة العمل في إطار مشيئة الله وخطته لأجلك؟.
التواضع لما سجدت لبوعز

البركة: "فقال إنك مباركة من الربّ يا بنتي لأنك قد احسنت معروفك في الأخير أكثر من الأول إذ لم تسعي وراء الشبان فقراء كانوا أو اغنياء" (راعوث 10:3). كانت البركة على راعوث أعظم بكثير من البركات الأرضية العادية بل كانت بركة نبوة، فبعد أن تزوج بوعز براعوث أعطاهما الرب ابنا وعند ولادة هذا الإبن باركت نساء بيت لحم نعمي أيضا فقد ولد ابن نعمي ودعوا اسمه عوبيد هو ابو يسى ابي داود بمعنى آخر كانت راعوث لتصير والدة جدّ داود.
لقد أظهرت راعوث الموأبية أمانة عميقة وطاعة رهيبة وبركة روحية كبيرة لهذا نجد اسمها مذكور ليس فقط بالعهد القديم بل أيضا بين اسماء نسل المسيح من سبط يهوذا. كانت مميزة في حياتها
وأعطت كل شيء من أجل أن تجري مشيئة الله، فباركها الله ورفعها وجعل سفرها من أجمل الأسفار في الكتاب المقدس.

راعوث فبالإيمان فتحت الباب التي أغلقه حرف الناموس، إِذ في إِصرار أكدت أنها تكمل الطريق، قائلة: "لا تلحي عليَّ أن أتركك وأرجع عنكِ، لأنه حيثما ذهبت أذهب، وحيثما بت أبيت، شعبك شعبي، وإلهك إِلهي، حيثما مت أموت وهناك أندف
ن. هكذا يفعل الرب بيّ وهكذا يزيد، إِنما الموت يفصل بيني وبينك"



يرى القديس چيروم في هذا التصرف من جانب راعوث درسًا حيًا لنعمى التي فقدت رجاءها في كل أحد إِذ مات رجلها وإِبناها ولم يتركا لها من يعولها، والآن يُقدم لها الرب الأرملة الشابة غريبة الجنس لتكون سندًا لها، إِذ يقول: [هربت نعمى من المجاعة إِلى أرض موآب ففقدت رجلها وإِبنيها، لكنها إِذ حرمت ممن يسندونها طبيعيًا لم تتركها راعوث الغريبة.

ما قالته راعوث لحماتها يبقى حديثًا حيًا خالدًا يكشف عن قلب أحب حتى الموت... تُرى هل نحب مسيحنًا ونشتهي أن نموت وندفن معه كما إِشتهت راعوث من جهة حماتها؟!

ومن الايات الجميلة اللى عجبتنى اوى

ليكافئ الرب عملك و ليكن اجرك كاملا من عند الرب اله اسرائيل الذي جئت لكي تحتمي تحت جناحيه

مباركة من الرب يا بنتي

[marit jesus]

ماجى
بنت معلم الاجيال
ماريا
راندا
ميرسى على مروركم الغالى وتشجيعكم الدائم ليا

[marit jesus]

شخصية الاسبوع دا شخصية مش عادية شخصية كبنا بنحبها وخاصة البنات
وكثير مننا بيحاول انه يسير على نهجها ويقتدى بها ولذلك تشرفت بعمل
حوار معها بمناسبة بدء صومها المقدس طبعا عرفتوها هى مين الشخصية

وهــــــــــــــــى

مريم العذراء ام المسيح يسوع له كل المجد

انا: نورتينى النهاردة ياست الكل وياكلية الطهر والجمال ياست ياعدرا
العدرا: دا نور وبركة ابنى تكون معكم دايما
انا: فى البداية طبعا عايزة اعرف نبذة مختصرة لحياتك وعايزة ادقق على شوية
تفاصيل فيها عشان هتفيدنى وتفيد اعزائى اعضاء المنتدى
العدرا: حاضرررررررر فى البداية انا والدى كان اسمه يواقيم ووالدتى اسمها حنة وانا كنت من الناصرة
فى البداية والداتى كانت عاقر ولم تنجب اطفال تضرعت وصرخت الى الله فاعطاها ماطلبته وكانت نذرت نذرا انها تقيمنى فى الهيكل المقدس ووفعلا تحقق الامر واسمتينى امى مريم وعندما كبرت ثلاث سنين اخذتنى الى الهيكل وتربيت وعشت فيه باقى عمرى ثم انتقل اهلى وتنيحوا فعندما بلعت سن12 ماكنش ينفع اقعد واستمر فى الهيكل فقرروا شيوخ الكهنة انى اتخطب لشخص من سبط يهوذا
اسمه يوسف شخص كبير فى السن ومحترم قالوا يرعانى ويدبر امورى ويحافظ عليا
انا:طيب انا عايزة اسالك ياعدرا شوية حاجات مهمة بالنسبةلى
العدرا: اتفضلى اسالى
انا:هو انتى مكنتيش بتتذمرى على ربنا وتقولى زينا كدا ليه سمح بان باباكى ومامتك يموتوا وانتى فى سن صغير او انك يتيمة وهتعتملى ايه من بعدهم وكمان مكنتيش بتقولى ازاى واحدة فى جمالك وشبابك تاخدى واحد عجوز وكبير اووووووى فى السن وازاى هتعيشى معاه ووافقتى علطول كدا من غير ماتفكرى فى كل الحاجات دى

العذراء :لا انا مكنتش بتذمر ولا بفكر فى كل اللى قولتيه دا عشان كنت مسلمة حياتى تسليم كامل لارادة ربنا وكنت عارفة انه هيتولانى برعايته ومش معنى كلامى انى كنت مستسلمة لا بل التسليم لارادة ربنا لانى كنت عارفة ان ربنا هوالقبطان الذى يقود دفة حياتى زى القبطان الشاطر اللى بيقود دفة السفينة والناس بتبقى مسلمله ارواحها ومطمنة انه هيوصلها لشط الامان ولكن مس مستسلمين للامواج اذا هاجت او اضراب البحر عليها اهو ربنا زى كدا بالظبط ففى فرق واضح بين التسليم لمشيئة ربنا والقاء الهموم عليه والثقة فيه والاستسلام للدنيا بمشاكلها وكل مافيها

انا:فعلا ياعدرا فضايلك دى كتير اووووى لو فضلت اتامل فىهم مش هيكفينى الكام عنك ولا يكفينى اوصفك بجد ليه حق ربنا يختاراك ويتجسد منك فانتى مستحقة ياسيدتى

انا:عايزة اعرف منك كان ايه شعورك بعد مبشرك الملاك بانك ستحبلين يسوع المتجسد وازاى استوعبتى كلامه وكمان نظرة يوسف ليكى بعد ماعرف انك حبلى بالروح القدس وليه مادافعتيش عن نفسك وفهمتيه كل الحوار اللى دار بينك وبين الملاك

العدرا: شعورى وقتها كنت مبسوطة اكيد ببشرى الملاك السارة ليا بس انا سالته سؤال واحد لاستفسار ازاى وانا مش متزوجة قالى ستحبلين بالروح القدس وكان جوايا سلام كبير بعد البشرى السارة وواثقت جدا فى كلامه اما نظرة يوسف ليا انا كنت عازراه وعارفة انه معاه حق يشك فيا واى حدا مكانه كان هيعمل كدا لكن ادافع عن نفسى كنت هقوله ايه هو مكنش هيستوعب كلامى اللى هقوله عشان كدا سكت وقبلت نظرة الشكل اللى فى عينه وكلام الناس عليا وانا عارفة ان ربنا هو اللى هيتكلم بالنيابة عنى ويفهمهم بطريقته ويدافع عنى اكتر من انى ادافع عن نفسى زى ماقلتلك انا كنت مسلمة امورى فى ايديه

انا: ياااااااااااااااه كم انتى عظيمة واحتملتى نظرات الناس ليكى وهما شاكين فيكى وفى طهارتك مايعرفوش انك كلية الطهر والجمال
قوليلى واحكيلي كمان عن خدمتك لاليصابات وتربيتك لابنك وولدتك وسفرك وكل حاجة عايزة اعرف عنك ياعدرا اكتر واكتر عايزة المس شخصيتك اكتر من كدا
العدرا: انا روحت اخدم اليصابات عشان كانت حامل زى ومكنتش عندها اطفال قبل كدا هو الملا جه وبشرهم بس زكريا والد يوحنا المعمدان مكنش مصدق عشان كدا بقى اخرس ومتكلمش غير لما اتولد قدام عينه ففى الحال نطق وتكلم ممجدا الله
لما الملاك طمن يوسف وفهمه كل حاجة سافرنا ندور على مكان عشان نقعد فيه اتقفلت كل الابواب مالقيتش غير مذود البقر واتولد يسوع وربيته وذهبت ليختتن كما يجب فى الناموس حمله سمعان وقال الان ياسيدى تطلق عبدك بسلام حسب قولك لان عينى قد ابصرت خلاصك الذى اعددته اما جميع الشعوب لان سمعان مكنش مقتنع انه يتولد من بكر عروس وكان الملاك يغير له الكلام لحد ما جه الوقت اللي ابصر فيه الرب يسوع وربيته لحد ماكبر واصبح سنه 12 سنة يعلم فى الهيكل ولحد ماكبر وعمل معجزات وجه الوقت الليى يسلم نفسه عشان يحرر ابنائه من العبودية

انا: قوليلى بقى ياعدرا كان احساسك ايه وانا عارفة وعلى يقين ان مهما بلغ الكلام مش هيقدر يوفى كل الاالام اللى حسيتي بيها ولا الشعور اللي شعرتى بيه
العدرا: كانت احشاائى تلتهب عند نظرى لصلبوت ابنى وحبيبى كنت بتعذب معاه كنت بحس بكل دقة مسمار قلبى معاه كان بيدق مع كل جلدة قلبى كان بيتجلد مع كل نزف دم من دمائه كانت دموعى تنزرف بحار وانا شايفاه قدامى ومش قادرة اعمل حاجة وانا عارفة انه جاى عشان اولاده يحررهم من الخطية وماقدرش امنه عن حبه لاولاده وهو جاى مخصوص كان عشانهنم وعشانى كنت بتعذب وهو مصلوب كنت حاسة ان قلبى مصلوب معاه ولو عليا اشيل معاه الامه واتصلب معها لو دا هيخفف عنه وفرحت لما قام من الموت وداس وحطم كل ابواب الجحيم وكسر المتاريس وانتصر على الشيطان وغلب الموت

انا: ياااااااااه ياعدرا استحملتى كتيييير يارمز الاحتمال وفى الاخر وصية بسيطة او رسالة معينة تحبى توصيلها لاولادك وبناتك بالاخص
العدرا: ربنا جه عشانكم انتوا واتجسد فى صورة انسان عشانكم انتو برضو واختار افقر مكان ويمكن اتقفلت كل الابواب لحكمته فى كدا عشان عايز يفهمكم مافيش فرق بين غنى وفقير ولا تقوله ان ربنا بيحب الاغنيا اكتر ومكنته عظيمة وكبيرة لا ربنا بيحبكم كلكم ومافيش فرق الانسان اصله من طين مايفرقش اذ كان غنى ولا فقير فحبوا بعض وساعدوا بعض حتى تستطيعوا ان تتدخلوا ملكوته وانا فوق بصليلكم واطلب عنكم وعن الضالين وعن المجروحين وعن المضطرودين وعن المسجونين وعن المرضى وعن المتضايقين وعن المحبوسين بالارواح النجسة وعن الطلبة وعن المظلومين وعن المساكين والفقراء وعن ان يحل السلام فى كل ارجاء البلاد فمتخافوش انا سامعكم دايما وبستجيب لطلبتكم وبحرسكم دايما وبطلوب معونة ابنى وربى تكون معاكم وتشملكم
اما بناتى بالاخص
فيابنتى اهتمى بحياتك الروحية واطلبى معونة الهى والهك فى حياتك وربنا يرشدك ويثبت خطواتك ويكون كل من ينظر اليكى تجدى معونة فى عينيهم وينور لك يسوع ابنى بصيرتك وطريقك ويفتح دايما عيونكا على الصح واهتمى يابينتى ايضا بجسدك فهو هيكل الله فلا تجعلى الباعة يبتاعون فيه او تعطى دررك للكلاب فتدوسة اهتمى بملابسك التى تليق بالله وبزينة روحك الداخلية وتكون كل تصرف محسوب ومحسوم منك عشان انت بنت الملك وبنات المللوك بيتصرفوا بحكمة ربنا معاكى ويحرسك ويرشدك


تاملى الخاص بيا
مهما اوصف فيكى ياعدرا الكلام لايقدر يوفيكى حقك فانتى الكرمة الحقيقية التى حملت يسوع وولدتيه بغير مباضعات
فانتى عظيمة ياسيدتى فله الحق يسوع عندما اختر يتجسد منكى فانتى تستحقى هذه المكانة ففضائلك تصفك يامى
فانتى وديعة ومسلمة حياتك لربنا ومتواضعة جدا رغم انك شايلة رب الكون الا عمرك ماتكبرتى على حد وبل بالعكس بتساعدى المسكين والضعيف والمحتاج لذلك ترنمت عظم الصنيع فصرنا فرحيا وهكذا الله نظر الى اتضاع امته ورفع المتواضعين واجلسهم مع رؤساء العرش وشتت المستكبرين بفكر قلوبها والاحتمال احتمالك لنظرات الشك من قبل الناس ويوسف ليكى وروح المحبة اللى جواكى رايحة تخدمى اليصابات وانتى حامل زيها ومحتاجة للراحة لا كنتى بتفكرى فى الناس قبل مابتفكرى فى نفسك انتى اصلا كنت بتنسى نفسك وتهتمى بغيرك علمينى احتمالك حتى لو جزء منه علمينى وشربينى من فضايلك الكتير اللى مهما اوصف واقول مش هوفيكى حقك ياعدرا ولا حنية قلبك وطيبتك على اولادك انت ياعدرا حنينة اوووووووى وانا لمست حنية قلبك معايا فى مواقف كتير مريت بيها انتى ياعدرا الجوهرة المكنونة والحمامة الحسنة فانتى سيدتى وفخر البنات وتاج لكل البنات ومثال وقدوة يقتدى بيك ياسيدتى فاخيرا اذكرنى مام عرش ابنك وربك وربى وصلى كثيرا عنى



هذا الحوار بقلمى ومن تاملى الخاااااااص بيا
واتمنى انه يكون نال اعجاب حضراتكم الكرام
وانتظرونى الاسبوع القادم مع شخصية جديدة
وحوار خاص وحصرى وتامل على هذه الشخصية
وصلوا من اجلى كثييييييييرا

[walaa farouk]

روووووعةحبيبتى
بركة ام النور تفرح قلبك

[marit jesus]

ميرسى يالولو على مرورك الغالى وتشجيعك الدائم ليا

[Ramez5]

حوار جميل وممتع مع العذراء مريم

[morcos20]

اذكرينى أمام عرش ابنك وربك وربى وصلى كثيرا عنى !
***
ما أجمل قلمك الماسى اليانع ... ياماريت ... وتأملك البارع وموضوعك الجميل الساطع ... وفى إنتظار موضوعك الجديد اللامع .
***
مرقس إسـكندر مقار

[sama smsma]

الله يا ماريت
حوار اكتر من راااااااااااااائع يا قمر
بركه صلوات ام النور تفرح قلبك