هام جدا وحصريا حوار صحفى

[marit jesus]

المشاركة الأصلية كتبت بواسطة ماريا تى ثيؤتوكوس

حقيقى ايات وتأملات جميله موضوع دسم
ميرسى ماريت

ميرسى يالماريا على تشجيعك المستمر
وربنا يفرح قلبك ياجميل

[marit jesus]

المشاركة الأصلية كتبت بواسطة magy

إِنْ أَرَادَ أَحَدٌ أَنْ يَأْتِيَ وَرَائِي، فَلْيُنْكِرْ نَفْسَهُ وَيَحْمِلْ صَلِيبَهُ كُلَّ يَوْمٍ، وَيَتْبَعْنِي."

موضوع رااااائع جداااا يا ماريت
معلومات هايلة عن كل شخصية
في إنتظار شخصية جديدة
ربنا يباركك ويعوضك يا قمر

ميرسى ياماجى ياقمر
على تشجيعك واهتمامك
والاية الجميلة

[marit jesus]

المشاركة الأصلية كتبت بواسطة بنتك يايسوع

اولا بجد موضوع وفكره رائعه جدا
الايه اللى عجبتني
إِنْ أَرَادَ أَحَدٌ أَنْ يَأْتِيَ وَرَائِي، فَلْيُنْكِرْ نَفْسَهُ وَيَحْمِلْ صَلِيبَهُ كُلَّ يَوْمٍ، وَيَتْبَعْنِي.

وهنا ربنا بيورينا ازاى ممكن نتبعه
1 ينكر نفسه يعني ببساطه لو انا متكبر او حاسس ان انا حد واصل بقي ومفيش حد ادي مش هقدر اتبع ربنا

2 يحمل صليبه كل يوووووووم
ودي حاجه مهمه اوى ربنا مقلش يحمل صليبه وسكت لا ده قال كل يوم كمان كتير لما بنقابل ضيقه او مشكله بنتذمر على ربنا ونقوله اشمعنا احنا مع ان ربنا واضح اوى من البدايه وقال عشان تقدر تتبعني لازم تشيل انت كمان صليبك و ف كل يوم

بجد انتى اللى نورتى الموضع ياقمر بمرورك الغالى والاية الجميلة
طبعا والتامل فى منتهى الرووووووووووووعة والجمال ميرسى ليكى
ياحبيبتى وربنا يفرح قلبك

[marit jesus]

المشاركة الأصلية كتبت بواسطة كيلارا

ميرسى على المشاركة الجميلة

ميرسى على مرورك الغالى ياكيلارا

[marit jesus]

اعزائى اعضاء منتدى الفرح المسيحى كما اعتادنا قبل ذلك بنستضيف كل اسبوع شخصية مميزة
من اهم كبار رجال ونساء الكتاب المقدس
شخصية النهاردة شخصية مختلفة وليها طابع مميز فى الانجيل وكانت مثال يقتدى ويحتذى به
فالنهاردة احب استضيف شخصية النهاردة واقولها نورتينا فى المنتدى الفرح المسيحى


وهـــــــــــــــى

وهــــــــــــــــى

وهــــــــــــــــى

وهـــــــــــــــــى

وهــــــــــــــــى

راعــــــــــــوث


انا: اهلا بيكى ياراعوث نورتينا النهاردة
راعوث: اهلا بيكى وبكل الاعضاء المميزين
انا: احب فى بداية حديثى معاكى اتعرف عليكى (اسمك وبلدك واسم زوجك)
راعوث:انا من بلاد مؤاب زوجى من بلاد يهوذا ووالده اسمه ابيمالك وحماتى تدعى نعمة وزوجى اسمه محلون واخيه كليون وزجة اخو زوجى اسمها عرفة ومن مؤاب برضو فهما لما حصل جوع عندهما فى بلاد يهوذا جائوا الى مؤاب وتزوجنا ثم مات الاخين ومات الاب فذهبنا مع راعوث الى ارض يهوذا لان بلاد مؤاب الرب افتقد شعبه ليعطيهم خبزا

انا: احكيلى بقا ياراعوث اتصرفتى ازاى لما حماتك قالتلك عيشى حياتك وتجوزى وروحى عيشى فى بلدك بدل ماتتغربى معها وخلاص زوجك توفى ومابقاش ليكى حاجة معها غير ذكرى جوزك اللى مات ايه اللى يخليكى تتربطى معها وتقعدى جنبها

راعوث: حماتى قالتلنا كل واحدة فيكم تروح لبت امها وربنا يصنع معنا رحمة فهى كانت مضيقة من اجلنا كثيرا لانا صرنا ارامل فقالت كل واحدة تروح لبيتها وربنا يدينا راحة فى بيت رجلنا فاانا وعرفة بكينا ومكناش عايزين نسيبها فقالت لنا انا خلاص شخت وكبرت انى ابقى لراجل وان حصل كدا هاتستنوا لما انجب اولادا وتتزوجهم فاذهبوا وشوفوا حالكم ماتتعبوش نفسكم معايا عرفة قبلت حماتى ومشيت وراحت لااهلها اما انا فضلت معاها انا اعتبرتها امى مش بس ام جوزى ومش معنى كدا انه مات يبقى خلاص مالهاش مكانة عندى او مبقاش طايقها بل بالعكس انا بحبها اوووووى وقلت لها شعبك هو شعبى واى مكان تروحى هاروح معاكى واى بيت تسكنى فيه هاسكن معاكى فيه والهك هو الهى موش هاسيبك ابدا ماقدرتش اسيبها وهى مالهاش اولاد ولا زوج اعترتها امى واعتبرتنى بنتها وقلت لها الموت هو الوحيد اللى هايفصل بينى وبينك فاخدتنى معها ودخلنا بيت لحم

انا:وبعدين ياراعوث ايه اللى حصل بعد مادخلتوا المدينة
راعوث : حصلت حركة بسببنا والناس قالوا هى دى مش نعمى راحت قالت لهم ماتقولوش نعمة انا مرة لانى ذهبت ممتلئة وجئت فارغة فادعونى مرة لان الرب امرنى كثيراوقد اذلنى والقدير قد كسرنى ودخلنا فى اننا نبتدى فى حصاد الشعير
انا: احكيلى بقى حكايتك مع بوعز ياراعوث من او متقابلتوا لحد ما تجوزتوا
راعوث : حاضر الحكاية بدات بان نعمى كان عندها زو صلة قرابة لرجال اسمه بوعز دا من عشيرة واهل واقارب ابيمالك والد زوجى زوجى حماتى نعمة حماىا يعنى فاانا قولتلها سيبنى اروح الحقل والتقط سنابل امكن اجد نعمة فى عينه فذهبت بالفعل والتقطت السنابل وراء الحصادين فراح جاء بوعز وقالنا ربنا معكم فشفنى فنادى غلامه وقاله مين هى الفتاة دى قاله دى رجعت مع حماتها نعمة وانها مؤابية وقالتلنا انها عايزة تلتقط السنابل وتجمع الحزم وتيجى من الصصبح تقعد فى الحقل تشتغل وتروح بيتها فترة قليلة

فجاء بوعز وقالى انتى ليه جاية الحقل دا ليه ماتروحى حقل تانى
راعوث: فسقطت على وجهى وسجدت على الارض وقلت له كيف وجدت نعمة فى عينك وانا غريبة فقالى انى عرفت ماعملتى مع حماتك بعد وفاة زوجك وسيبت ابوك وامك ولصقتى بحماتك ليكافىء الرب عملك وليكن اجرك كاملا من عند الرب
فقلت له ياريت اجد نعمة فى عينك ياسيدى لانك عزيتنى وطيبت قلب جاريتك وانا لست واحدة كجواريك
راح قالى عند وقت الاكل اغمسى لقمتك فى الخل وكلى من الخبز
فامر غلامانه بانهم لا يؤذنى واحصد فى الحقل فحملت ايفة شعير الذ التقطته ودخلت المدين فراتنى حماتى وقالتلى ليكن الناظر اليك مباركا وحكيتلها كل اللى عملوا معايا وانه قالى انى الزام فتياته فى الحقل حتى لايقعوا بيا فى حقل اخر

راعوث :مقابلتى مع بوعز فى البيدر
قالت لى حماتى ان بوعز بيذرى بيدر الشعير الليلة فاغتسلى وتدهنى والبسى ثيابك وانزلى البيدر وقالت لى لاتعرفى الرجل حتى ينتهى من الاكل والشرب وعندما يضجع فاعلمى المكان اللى يضجع فيه وادخلى واكشفى ناحية رجليه واضجعى وهو يخبرك بماذا تفعلين فاانا قولت لها كل اللى قولتيهولى هااعمله

وعملت زى ماقالت لى حماتى فبوعز عند انتصاف الليل اضطرب والتفت وجدنى مضجعة تحت رجله فقالى من انتى قولت له انا راعوث امتك فابسط ذيل ثوبك على امتك لانك ولى فقالى مباركة من الرب لانك احسنتى معروفك ولم تسعى وراء الشبان فقراء او اغنياء

فقالى ماتخافيش وان كل شعبه يعرف انى امراءة فاضلة فقالى بيتى الليلة فاضجعت ونمت عند رجله ثم قمت ثقبل ان يقدر الواحد على معرفة صاحبه
وقال لايعلم احد ان هذه المراة جاءت الى البيدر وقالى هاتى الرادء الذى عليكى وامسكيه فامسكته ووضع ستة من الشعير عليه وروحت لحماتى فاخبرتها بكل ماحدث وانه قالى ماينفعش ادخل عليكى فارغة فقالت لى اجلسى حتى تعلمى الامر ان الرجل لايهدا الا وتمم الامر اليوم

فاخذ بوعز 10 من رجال شيوخ المدينة واجلسهم وقالهم ان نعمة اللى رجعت من مؤاب تبيع قطعة الحقل بتاعت ابيمالك اخينا فاشتر قدام الجالسين وقدام شيوخ شعبى فقال بوعز هذا الكلام للولى وقالهوان كنت لاتشترى قولى وانا بعدك فقال الولى انه يفك فقال بوعز للولى يوم تشترى الحقل من يدى نعمة تشترى من يد راعوث امراء الميت لتقيم اسم الميت على ميراثه فقال الولى لبوعز لا اقدر ان افك لنفسى لئلا افسد الميراث ففك انت لنفسكلانى لا اقدر ان افك
تـــــــــفقال الولى لبوعز اشتر لنفسك وخلع نعليه
فقال بوعز قدام الشيوخ انه اشترى ما لاليمالك وكل مالكليون ومحلون وراعواث امراءة محلون اشتريتها لى ليقيم اسم الميت على ميراثه

وتزجت بوعز وانجبت عوبيد ابو يسى ابو داود وقالت النساء لحماتى ان مبارك الرب الذى لم يعدمك ورزقك براعوث كنتك التى لم تتركك التى كانت لك خيرا من 7 بنين واخذت حماتى الولد ووضعته فى حضنها وربيته

انا : شكرا ليكى ياراعوث على قصتك الجميييييييييلة ومبسوطة على استضافتك اليوم


تــــــــــــأأأأأأأأأمل بقلمى:_

راعوث مثال لكل امرأة احبت حماتها من كل قلبها وماهانتش عليها تسيبها بعد وفاة زوجها وكان من حقها انها تذهب لبيت ابيها مثل مافعلت عرفة لكن احبت انها تلتصق براعوث من فينا يحب حماته مثل ماراعوث احبت نعمة ومن حماة تحب كنتها مثل ما احبت نعمة راعوث فعشان كدا ربنا مد ايد وكافىء راعوث بما فعلته مع حماتها ورزفها ببوعز وعوبيد ابنها وكافىءنعمة باانه فرح قلبها وبعت لها راعوث تكون بجانبها وتقضى لها حاجاتها وكانت افضل من 7 اولاد مثل ما قالوا لها النساء وربنا رزقها بحفيد تشوفه وتفرح بيه فى حياتها
ربنا ماهانش عليه نعمة تكون مكسورة الجناح من غير راجل ولا اولاد وتكون وحدها بعت لها راعوث تكون بنتها اللى لم تنجبها وتكون بجابها ففى القصة دى اشياااااااااااء هامة

1- ان ربنا لو كنت انت مكسور الجناح وفى موقف لايحتمل ومش عارف تتصرف ازاى هاتلاقى ربنا بعتلك شخص يقف جانبك ويكون هو سبب لسعادتك فحبه ومضيعوش من ايديك

2- راعواث مثال الكنة الجميلة اللى بتحب حماتها واعتبرتها امها والهتها هى الهتها وشعبها هو شعبها وانها هى وحماتها واحد فيابخت اللى يعمل كدا زى راعوث ونعمة والمحبة اللى كانت بينهم

3- بوعز الراجل الامين الجدع اللى وقف جنب راعوث واكرمها وجعلها تحصد فى حقلها واتخذها زوجة له

فاانا اتعلمت من راعوث المحبة اللى احبتها لحماتها

الاية اللى عجبتنى اووووووى ودايما برددها فى سرى

*ليكن الناظر الى مباركا

* لان حيثما ذهبتى اذهب وحيثما بيتى ابيت شعبك شعبى والهك هو الهى حيثما مت اموت وهناك اندفن فالموت هو اللى ها يفصل بينى وبينك
وهل فى محبة اعظم من هذاااااااااا

دى هاتكون اخررررررر شخصية معاكماقدمها لحضراتكم الى حين ان نلتقى

مع بعض على خير وسلام فى اجازة نصف السنة نظرا لدراستى فى الجامعة

واتمنى انه يكون حوارانا عجب حضراتكم وان تذكرونى فى صلواتكم الى حين ان
التقى بكم على خير


وبكدا انتهى حوارانا مع ضيفتنا ومستنية تعليقاتكم الجميلة وتاملاتكم وياريت
رجاء محبة كل اللى يدخل الموضوع يكتب ايه جميلة عجبته تعليق ولو كلمتين او حاجة صغيرة
واذكرونى يااخواتى الاحباء فى صلاتكم ويارب ينال اعجاب حضراتكم الكرام
لان الهدف من التامل ان كل واحد يفتح الانجيل ويطلع منه حاجة لمست قلبه

[walaa farouk]

ميرسي على مشاركتك الجميلة

[marit jesus]

ميرسى يالولو على تشجيعك

[sama smsma]

راعوث بجد من اجمل شخصيات الكتاب المقدس نتعلم منها الطاعة والمحبة
وعرفت أد ايه تدبير ربنا لصالحنا
مهما كانت ظروفنا قاسية فهو هايعوضنا اضعاف اضعاف لو تقبلنا اى ضيقة بفرح وصبر
محبتها لحماتها ومعاملتها ليها اكنها امها
واتحملت الغربة والفقر
دة خير هى عملته و ربنا عوضها عنه بخير اكتر بكتير بسبب تضحياتها الكتيرة
ونتامل كمان فى انها ماكانتش بتخلف بس بصبرها ومحبتها ربنا عوضها وانجبت بعد فترة كبيرة اوى
ولو كانت خلفت ماكانتش هاتروح مع حماتها ويحصل معاها كل دة
فربنا ليه تدابيره العجيبه اللى دايما لصالحنا

حبيبتى ماريت
ربنا يفرح قلبك ودايما تمتعينا بحاجات حلوة روحية كدة كتير
دايما مميزة يا حبيبتى
ربنا يعوض تعبك اضعاف اضعاف

[marit jesus]

المشاركة الأصلية كتبت بواسطة sama smsma

راعوث بجد من اجمل شخصيات الكتاب المقدس نتعلم منها الطاعة والمحبة
وعرفت أد ايه تدبير ربنا لصالحنا
مهما كانت ظروفنا قاسية فهو هايعوضنا اضعاف اضعاف لو تقبلنا اى ضيقة بفرح وصبر
محبتها لحماتها ومعاملتها ليها اكنها امها
واتحملت الغربة والفقر
دة خير هى عملته و ربنا عوضها عنه بخير اكتر بكتير بسبب تضحياتها الكتيرة
ونتامل كمان فى انها ماكانتش بتخلف بس بصبرها ومحبتها ربنا عوضها وانجبت بعد فترة كبيرة اوى
ولو كانت خلفت ماكانتش هاتروح مع حماتها ويحصل معاها كل دة
فربنا ليه تدابيره العجيبه اللى دايما لصالحنا

حبيبتى ماريت
ربنا يفرح قلبك ودايما تمتعينا بحاجات حلوة روحية كدة كتير
دايما مميزة يا حبيبتى
ربنا يعوض تعبك اضعاف اضعاف

سما حبيبة قلبى ميرسى على تأملك اللى اكثر من رائع
وميرسى على تشجيعك وكلامك الحلو ربنا يفرحك ياجميل
زى مافرحتينى

[Ramez5]

فى البدايه بشكرك من اجل مشاركتك وتأملك الرائع

( لأن جميع أبواب شعبي تعلم أنك امرأة فاضلة )
هذه هي رسالة الإنجيل في العهد القديم والعهد الجديد
الله يرحم أي شخص فلسطيني أو إسرائيلي أو ...
يتواضع مثل راعوث ويحتمي تحت جناحيّ الله