| |
|
|
|
|
|
||||||
 |
|
|
أدوات الموضوع | انواع عرض الموضوع |
|
#1
13 - 09 - 2016, 02:57 PM
|
||||
|
||||
|
مشكلة تساقط الشعر بيعاني منها كتير من البنات ومن الحاجات اللي اثبتت فعاليتها اوي في علاج التساقط هو الثوم مفيد جدا في تقوية الشعر وبالتالي بيمنع التساقط وبيساعد على نمو الشعر وتكثيفة ومش بس كده كمان بيساعد على تطويل الشعر وعلاج القشرة وحكة فروة الراس, وبيصلح تلف الشعر, واحنا النهاردة جايبين لكل بنات حوا طريقة شامبو الثوم لعلاج تساقط الشعر.
ليه الثوم مفيد لحل مشاكل الشعر ؟ لان الثوم فيه مواد مضادة للجراثيم قوية وبالتالي بيساعد في علاج التهابات فروة الراس وتحسين صحة الشعر. تعالوا نعرف طريقة شامبو الثوم لعلاج تساقط الشعر: – اول حاجة نختار الثوم اللي بيكون لونه على بنفسجي شوية وفصوصه كبيرة ومافيش مشكلة من استخدام الثوم الابيض بس الثوم اللي بتكون فصوصه مديه شوية على بنفسجي بيكون افيد, بعد اختيار الثوم هنختار نوع الشامبو اللي هنخلط معاه الثوم نجيب شامبو شعر من العادي بس الافضل تكون مكوناته فيها حاجات طبيعية زي الليمون او الحنة او معمول من نباتات طبيعية. – دلوقتي بعد ما حضرنا الثوم والشامبو هنجهز الثوم هنجيب من 10 – 15 فص ثوم هنقشرهم ونغسلهم كويس بالمية وبعدين هنفرم الثوم كويس جدا في الخلاط لحد ما يبقى ناعم خالص وممكن نضيف عليه كمية قليلة من المية عشان يبقى قوامه كريمي وعشان الريحة ممكن نحط اضافات كميات صغيرة من زيت الزيتون وزيت النعناع وزيت شجرة الشاي هنخلط الزيوت دي مع الثوم كويس هيبقى عندنا معجون كريمي هنضيفه للشامبو بتاعنا ونخلطهم مع بعض كويس. – الشامبو ده ممكن نستخدمه من 1 – 3 مرات في الاسبوع على الشعر وفروة الراس, هناخد كمية من الشامبو على الايد ونحطها على الشعر وندلكه كويس ونسيبه من 3 – 4 دقايق وبعدين يتغسل بالمية وممكن تغسليه بالبلسم. – والثوم ممكن نستخدمه بطرق تانية اننا نعمل بيه ماسك للشعر, هنجيب زيت زيتون او زت جوز هند وندفيهم على النار شوية ونفرم الثوم ونضيف عليه الزيت السخن ونخلطهم مع بعض كويس وندلك بيه الشعر وفروة الراس ونلف الشعر بفوطة سخنة ونسيبه نص ساعة وبعدين نغسله بالشامبو والبلسم, وممكن نكرر الماسك ده مرتين في الاسبوع. – وغير الطرق الموضعية او الماسكات ممكن نستخدم الثوم عن طريق البلع ده مفيد جدا لتعزيز نمو الشعر, وبيساعد في التخلص من مشاكل فروة الراس من الداخل, وممكن ناكله باكتر من طريقة ممكن نطحن قرنفل مع الثوم ونبلعهم مع لبن دافي متحلي بالعسل كل يوم. اوممكن تخلطي الثوم المفروم مع عصير الفاكهة او الخضروات, وتحاولي تستخدميه في اكتر اكلاتك على قد ما تقدري. مع الاستخدام المنتظم للوصفات دي هتحسوا بفرق كبير جدا لان الثوم هيغذي الشعر وهتلاقو كثافتة زادت وبقى اقوى وشكله صحي جدا. 
|
|
#2
13 - 09 - 2016, 05:11 PM
|
||||
|
||||
|
دائماً مُشاركاتَكْ رائْعة
موضوعك مُمَميز ربنا يبارك خدمتك
|
|
#3
14 - 09 - 2016, 01:37 PM
|
||||
|
||||
|
ميرسى على مرورك الغالى يامينا
|
|
| أدوات الموضوع | |
| انواع عرض الموضوع | |
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| أفضل طريقة لعلاج تساقط الشعر | Mary Naeem | الجمال والمكياج | 0 | 27 - 02 - 2020 05:42 PM |
| لعدم إتلاف الشعر.. طريقة بسيطة لغسل الشعر بدون شامبو | Mary Naeem | الجمال والمكياج | 1 | 19 - 04 - 2017 05:37 PM |
| مدهش.. شامبو طبيعي لمحاربة تساقط الشعر والصلع | Mary Naeem | الجمال والمكياج | 4 | 02 - 10 - 2016 12:25 PM |
| خلطة الثوم والزيوت الطبيعية لعلاج تساقط الشعر | فرونكا | ركن أرشيف المواضيع | 1 | 17 - 06 - 2016 03:52 PM |
| شامبو الكافيين يحارب تساقط الشعر | Mary Naeem | الجمال والمكياج | 0 | 03 - 04 - 2015 06:30 PM |
العرض العادي
