كل الناس عمالة تنصح بعضها إنها تجيب كل طلباتها قبل أجازات الأعياد لإن غالباً كل المحلات بتقفِّل .. بس لو جت عالطلبات، بسيطة ..لكن بيكون فيه قلق كامن كده جوه قلوب الناس التعبانين لأحسن تحصل لهم حاجة في الأيام دي لإن حتى الدكاترة بيأخذوا أجازات هم كمان علشان يرتاحوا (حقهم طبعاً) .. وأوقات بعض المستشفيات بتهتم بإنها يكون عندها ناس بتشتغل نبطشيات علشان أي طوارئ بس ساعات برضه تلاقيهم منفضين ومزوغيين .. حسيت بتقل كده وأنا سرحانة بأفكر في الحكاية دي .. احساس مش ظريف برضه إنك تحتاج حاجة او حد ويكون مأجِّز، مع كل احترامي لحق كل مواطن او خدمة .. وخصوصاً الحراس ورجال الأمن .. وعلى طول تخيلت أجهزة الرادار اللي بترصد أي هجوم على بلد معينة .. يانهار أبيض (او مش عارف الحقيقة ممكن يكون لونه إيه النهار ده) لو دي كمان أخدت أجازة .. لو قررت إن دي أيام 'عُطلة' .. إيه هيكون الموقف؟؟ 😱 وأكيد العدو الخبيث هيكون أول من يدرك ده لإنه بيدور على أي ثغرة او فرصة لإختراق المجال الجوي .. وكان طبيعي إني افكر في الرادارات الروحية بتاعتي كفرد وبتاعتنا كجماعة وككنيسة وككيان ليه دور في الملكوت .. كام مرة اديتها أجازة؟ كام مرة عطلت مني ومانتبهتش؟ كام مرة تسبب ده في تسرب واختراق وخراب ودمار؟ مفيش رادار من حقه يتعب او يقفل او يعطل .. يمكن يحتاج صيانة .. يمكن يحتاج قطع غيار، لكن مفيش بلد ليها إدارة حكيمة فهمانة ينفع تتقبل فكرة الرادار العطلان ..
"اصحوا واسهروا لأن إبليس خصمكم كأسد زائر يجول ملتمساً من يبتلعه هو .." ١بطرس ٥: ٨
"على أسوارك .. أقمت حراساً لا يسكتون كل النهار وكل الليل على الدوام" إشعياء ٦٢: ٦
"فصلينا إلى إلهنا وأقمنا حراساً ضدهم نهاراً وليلاً" نحميا ٤: ٩
" .. كل واحد على حراسته وكل واحدٍ مقابل بيته" نحميا ٧: ٣
10 - 09 - 2016, 04:28 PM
رد: الرادار الروحى..
العرض العادي
