|
 |
 |
 |
|
رقم المشاركة : ( 1 )
15 - 08 - 2016, 05:01 PM
|
|||||||||||
|
|||||||||||
|
هنحكى موقفين عاديين وبعدين نتكلم
كريم نزل الشارع لقي أخوه شريف و صاحبه ماجد قاعدين علي شنطته عربيته .. أتنرفز جدا !! مسك أخوه شريف و فضل يزعق و يهزق فيه , مع انه أكتفي انه يبص لماجد نظره عتاب و بس !! بالرغم من ان ماجد و شريف هما الاتنين كانوا قاعدين , بس كريم جيه أكتر علي اخوه شريف .. الأستاذ سمير في شغله , طول اليوم تعبان و قرفان , فقال يدخل يريح حبه في مكتبه , ريم مراته عماله تتصل بيه عشان عاوزه تتطمن عليه , بس كل اللي كان بيعمله هوانه يخلي الموبيل silent و يرجع يكمل راحه , فجأه المدير بتاعه أتصل!........ علطول راح رد و قعد يكمله هو مركز و مصحح !! بالرغم انه كان يقدر يرد علي ريم زي ما رد علي المدير بتاعه ,, بس هو معملش كده .. سنه 2014 , فى دكتوره علم النفس الأمريكيه اسمها Deborah S. Richardson نشرت مقال في المجله العلميه Current Directions in Psychological Science تحت عنوان Everyday aggression takes many forms , سيبكوا من الاسامى الملكلكه دى وخلينا فى المهم ان هى أتكلمت في المقال ديه عن أنواع الغضب اللي بيمر بيها الأنسان علي مدار يومه , و اللي كانت Direct aggression (غضب مباشر) : زي شتيمه أو ضرب أو أهانه , Indirect aggression (غضب غيرمباشر ) : زي تشويه سمعه أو نشر إشاعات , Passive aggression (الغضب السلبي) : زي ان الشخص الغاضب ميردش علي مكالمات الشخص اللي غضبان منه او انه يتعمد يجي علي ميعاده متأخر مع الشخص ده , و اللي سمته الدكتوره بالـ silent treatment في خلال المقال ده , الدكتوره ذكرت ملاحظه مهمه جدا , و هي أن الأنسان العادي بيصيب الأشخاص اللي بيحبوه بغضبه أكتر من الناس التانيه !! و اللي يعتبر ضد المنطق .. بس هى .. كان ليها تفسيرها .. و هو الـ Safe Target , فشريف أخو كريم و ريم مرات سمير , دول أسمهم الـ Safe Target .. و عشان كده ليهم النصيب الأكبر من غضب كريم و الاستاذ سمير .. في حياه كل واحد مننا فيه الـ Safe Target , و هما الاشخاص اللي بيحبونا أوي , لدرجه اننا بنثق , اننا مهما عملنا فيهم حيفضلوا بيحبونا بنفس القدر , زي الأخ و الأخت , الأب و الأبن , الزوج و الزوجه , و هكذا .. و ممكن حتي الصديق الأنتيم لو بيحبك أوي يبقي الـ Safe Target بتاعك .. الـ Safe Target , بتتعامل معاه و انتا متأكد انه حيستحملك و حيقدر اي حاله انت فيها , و ده بيكون مبرر كافي ليك انك تشوط فيه و متخجلش ابدا من نفسك تظهر معالم غضب و قرفك عليه .. و لأن ببساطه , الأنسان كائن مشوه بطبعه , لما بيحس ان فلان بيحبه أو متعلق بيه جامد , مش بيقدر الشعور ده أو يحاول يحافظ عليه , لأ ! ده يستغله .. و يبيح لنفسه حاجات كتير ماكنش يجرؤ او يفكر يعملها مع حد علاقته بيه مش قويه زي الشخص اللي بيحبه ده .. نظريا , الواقع بيقول ان ان Safe Target في حياه ناس , و في ناس هما Safe Target ليك .. فحاول تتعامل بنوع من النُبل و الشهامه مع الـ Safe Target بتوعك , أحترمهم و قدر تعلقهم بيك .. أما الناس اللي انت Safe Target بالنسبه لهم , حافظ علي مكانتك ديه معاهم .. بس من فتره للتانيه لو حسيت انهم نسيوا في الاساس خلوك Safe Target , أبقي فكرهم .. و وصلهم ان علاقه الحب لو مش قايمه علي أحترام و التفهم .. تبقي علاقه إستغلال .. و الإستغلال لا يمكن أبدا يكون فيه Safe Target .. 
|
|
15 - 08 - 2016, 05:12 PM
|
رقم المشاركة : ( 2 ) | ||||
|
† Admin Woman †
|
رد: ليه دايما بنيجى على اللى بنحبهم Safe Target
شكرا على المعلومات دي يا رورو ربنا يباركك حببتي |
||||
|
|
|
15 - 08 - 2016, 09:42 PM
|
رقم المشاركة : ( 4 ) | ||||
|
..::| الاشراف العام |::..
|
رد: ليه دايما بنيجى على اللى بنحبهم Safe Target
ميرسى على مروركم الغالى
 |
||||
|
|
|
15 - 08 - 2016, 10:11 PM
|
رقم المشاركة : ( 6 ) | ||||
|
..::| الإدارة العامة |::..
|
رد: ليه دايما بنيجى على اللى بنحبهم Safe Target
ميرسي على الكلام الجميل
ربنا يفرح قلبك |
||||
|
|
|
16 - 08 - 2016, 08:38 AM
|
رقم المشاركة : ( 7 ) | ||||
|
..::| الاشراف العام |::..
|
رد: ليه دايما بنيجى على اللى بنحبهم Safe Target
ميرسى على مروركم الغالى
|
||||
|
|
|
31 - 08 - 2016, 08:14 PM
|
رقم المشاركة : ( 10 ) | ||||
|
..::| الاشراف العام |::..
|
رد: ليه دايما بنيجى على اللى بنحبهم Safe Target
ميرسى لمروركم الغالى
|
||||
|
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| علشان الحب يروح لكل الناس اللي بنحبهم |
| احنا بنعيش علي ذكريات الناس اللي كنا بنحبهم |
| صعب جدا نفرح اللى بنحبهم |
| هل أخلاقي ان نشتهي اللي بنحبهم ؟؟ |
| مش كل اللى بنحبهم |
العرض العادي
