10 نصائح للى داخلين جامعه جديد (عشان متقولش محدش قالى)

[Rena Jesus]

10 نصائح للى داخلين جامعه جديد (عشان متقولش محدش قالى)

1- أول ما هتدخل من باب الجامعة هتلاقى بنتين حاضنين بعض في وضع ثابت لمدة ربع ساعة لدرجة أنك هتشك أنهم توءم ملتصق..
ما تقلقش دول ما شافوش بعض بقالهم إسبوعين فالموضوع مؤثر شوية.

2- لما هتسأل حد على مكان أي مبنى أو مدرج هايضحك ويوصفلك المكان
دة مابيتريقش عليك هو بس افتكر أول يوم له في المخروبة دي

3- أنت داخل تتعلم مش داخل تظبط بنات أو تدور على عروسة واهدى بقا ها اهدى.

4- ماتفكرش في مستقبلك بعد الجامعة من دلوقتي وماتسألش ليه.

5- ماتفكريش ترتبطي بحد من الجامعة وماتسأليش ليه برضه.

6-بصي يا بنتي مذاكرتك في دماغك قلمك ومسطرتك في كيسك مطوتك في جيبك اللي يقولك نرتبط قطعيه.

7- ركز قبل ماتوصل الجامعة في حاجة واحدة من الاتنين يا تتعلم ،
يا تكون صداقات مع ولاد وبنات وتبقا واد فيمص
وفى الحالتين هتفشل وهتتخرج لوحدك لا أصحاب ولا كتب.

8- هتشوف أسوأ أربع خمس سنين في حياتك
واما تتخرج هتكتشف أن الأيام السودة دي كانت أحلى سنين حياتك تخيل.

9- هيعدي عليك وقت هتفكر تسيب الكلية ده انفعال بس ماتخافش مش هتعرف تعمل حاجة.

10- ماتتعاملش مع شئون الطلبة إلا اما تاخد خلفية عنهم من حد قديم في الكلية.

[sama smsma]

نصائح مفيدة اوى يا رينا
ربنا يفرح قلبك يا قمر

[marit jesus]

فعلا كلامك صحيح يارينا
ونصائح مفيدة جدا
ربنا يباركك

[ميرنا]

ميرسي ع النصايح التحفة دي

[Rena Jesus]

ميرسى لمروركم الغالى

[Mary Naeem]

مشاركة جميلة جدا

ربنا يبارك حياتك

[Rena Jesus]

ميرسى لمرورك الغالى

[مورا مرمر]

نصائح جميلة
ميرسى يا رينا

[Rena Jesus]

ميرسى لمرورك الغالى

[walaa farouk]

ميرسي على النصائح الجميلة