|
 |
 |
 |
|
رقم المشاركة : ( 1 )
27 - 07 - 2016, 07:16 PM
|
|||||||||||
|
|||||||||||
|
الأمومة
لما شعرك يقع بالكومه في ايدك و جسمك كله معالمه تبوظ كأنك واحده تانيه غير اللي كنتي عليها طول عمرك اللي فات .. افتكري لمسة ايده اول مره بعد انتظار ٩ شهور عذاب هتعرفي انها مستاهله لما تكتمي العطسه و الكحه و الضحكه و النفس حتي عشان ميقلقش و هو نايم .. افتكري ان اول مايفتح عينه و يشوفك بتضحكيله يقوم ضاحكلك كأنه بيقولك صباح الخير يا مامي هتعرفي انها مستاهله لما كل هدومك السمول اللي ملحقتيش تلبسيها ترميها و تجيبي غيرها بس اكس لارج و كلها لازم تبقي بزراير .. افتكري شكل هدومه هو وازاي بتلفي بالساعات عشان تجبيله حاجه شيك مع انه مش هيفهمها اصلا هتعرفي انها مستاهله لما تسهري و تطبقي بالتلات ايام عشان نومه متلغبط .. افتكري انه اول مايقلق ويفتح و يشوفك قدامه يطمن وينام تاني ❤ هتعرفي انها مستاهلة لما موبايلك يهنج من كتر الصور و الفيديوهات اللي بتخديهاله و كل شويه يفصل .. افتكري انه هيشوف الصور و الفيديوهات دي لما يكبر و هيبوس ايدك علي كل لحظه فيهم هتعرفي انها مستاهله لما تسهري جنبه بالاسبوع مراقباه وهو نايم عشان مش يقلق و تحفظي مواعيد كل دواء لوحده و كل ٥ دقايق تقيسي حرارته مع كل تطعيم او كل دور برد و تعدي كل شويه تسألي علي جروب سنه اولي مامي عن كل حاجه جديده بتحصله .. افتكري اول مايفوق من التعب و يرجع يضحكلك تاني لما تلاعبيه هتعرفي انها مستاهله لما تبقي جايبه اخرك من كتر الهموم و متقدريش حتي تعيطي او تتعصبي عشان بطنه متوجعوش لو رضع .. افتكري نظرته و ابتسامته ليكي و هو بياكل و لما يشبع كأنه بيقولك شكراً يا ماما يا حبيبتي هتعرفي انها مستاهله لما تشيلي من قاموسك (ضوافرك المتظبطه والمانيكير و شعرك من غير كحكه و فنجان القهوه -اللي كان ادمان- وحتي كوبايه النسكافيه و كمان الشيكولاته .. افتكري ان لو حد ممكن يفكر بس انه يأذيه ممكن تأكليه بسنانك مابالك لما انت اللي تأذيه بأي حاجه من دي هتعرفي انها مستاهله لما تروحي للدكتور بتاعه من كتر خوفك عليه و لهوجتك تنزلي بالشبشب .. افتكري الدكتور و هو بيطمنك و بيقولك ماتقلقيش بسيطه الحمد لله هتعرفي انها مستاهله لما تزهقي من لزقته فيكي طول الوقت و انك مش عارفه تتحركي غير بيه .. افتكري انه هو الوحيد اللي في الدنيا اللي يقدر يميزك و يميز ريحتك من بين الف واحده غيرك و هو مغمض كمان ولو الناس كلها حواليه بيلاعبوه بيفضل يدور علي وشك انتي وسطهم عشان يضحكلك هتعرفي انها مستاهله لما كل خروجاتك يبقي نصها في التواليت بتغيريله و تأكليه و تنيميه و علي ماتخلصي تكون الخروجه خلصت اصلاً .. افتكري ضحكته و هو نايم وبيحلم انك بتلعبي معاه و مهتمه بيه هو اول و اخر حاجه هتعرفي انها مستاهله صدق اللي قال انها مش سهله بس مستاهله . 
|
 |
| أدوات الموضوع | |
| انواع عرض الموضوع | |
|
العرض العادي
