يسري فودة بعد خروج بريطانيا من الاتحاد الأوروبي «احنا على كف عفريت»
أكد الإعلامي يسرى فودة، أن العالم العربى أصبح "على كف عفريت"، بعد خروج بريطانيا من الاتحاد الأوروبي. وذكر "يسرى" عبر صفحته الشخصية على موقع التواصل الاجتماعى "فيس بوك"، أن العالم كله سيشهد اختلافا بعد ذلك، أعطى يسرى فودة ملخص سريع لانعكاسات خروج بريطانيا من أوروبا. وقال: "عملية الطلاق نفسها هتاخدلها نحو ٣ سنين، بس لازم برضو الواحد يعبر عن إعجابه بقرار الدونالد ترامبيين في بريطانيا بالخروج عشان المهاجرين يمكن يدمروا الاقتصاد فقالك بيدي لا بيد عمرو، الاسترليني خسر فورًا أكتر من ١٠٪ من قيمته والبورصة اتخرشمت اسكتلندا شكلها هتخلع من لندن وتروح مع بروكسل، وأيرلندا الشمالية هي كمان شكلها هتخلع وتروح مع دبلن. وفي هذا السياق وبعد استفتاء "الدهماء" لازم برضو الواحد يفتكر القول المأثور: "ديموكراسي بط هِوِين؟". و تابع قائلًا: "رغم الصدمة بنتكلم عن بلد عريق وثقافة قوية ونموذج لإدارة أزمة كان ممكن تكون كارثة بكل معنى الكلمة في أي بلد تاني، محافظ البنك المركزي في إنجلترا طلع فورًا يطمن الناس بخطط سابقة الإعداد، ورئيس الوزراء (المعارض للخروج) احترم إرادة الناس واستقال رغم أن فارق التصويت مايجيش نص شبرا". وأشار يسرى فودة قائلًا: "بأنه هناك توابع تانية كتير داخل أوروبا وخارجها خصوصًا أن في دول تانية كانت عايزة تخلع، بوريس جونسون (تقدر تقول ترمب البريطاني) شكله هيكون رئيس وزراء بريطانيا القادم، مش بس العالم العربي على كف عفريت؛ العالم كله شكله هيختلف، خصوصًا إذا وصل دونالد ترمب الأصلي في أمريكا بعد اقل من ٥ شهور".
هذا الخبر منقول من : اليوم السابع
24 - 06 - 2016, 03:10 PM
العرض العادي
