سما المصري تثير أزمة بين جماهير الأهلي و الزمالك
قالت الفنانة سما المصري، إنها لا تمتلك أي صفحة على مواقع التواصل الاجتماعي "فيس بوك"، أو "انستجرام"، مؤكدة أنها ليس لها علاقة بفوز أو هزيمة أي من الناديين الأهلي أو الزمالك.
ونشرت المصري، على انستجرام صورة لشعار نادي الزمالك، معلقة عليها قائلة، " فيه ناس بتسألني في التعليقات عن أني قلت هقلع ملط في التحرير لو الزمالك خد الدوري السنة دي واحب أقولهم لعاشر مرة أنا مليش أي صفحات على الفيس ولا تويتر والأهلي أو الزمالك ياخد الدوري أنا مليش فيه ومش معني أني رسمت نسر الأهلي علي كتفي يبقي أنا متعصبة كرويا".
وتابعت "بحب الأهلي آه وأهلاوية آه لكن مش لدرجة أنه لو ما أخدش الدوري هنزل ملط طب ما هو ما أخدهاش المرة اللي فاتت ما عملتش كده ليه - وأحب أقول للي عامل الصفحة دي أنا وراك والزمن طويل لأنه قبل كده اتعملت صفحة برضه شتمت في الأهلي - واحب أسال *** اللي بيعمل الصفحات دي - أهلي ولا زمالك يا *** ما ترسي علي حل - نفتح الباب ولا نقفله".
واستكملت "أصحابي الفانز الزملكاويه والأهلاوية أنا بحبكم وباحب أكتر منتخب مصر ومش عايزين ننسي حسن شحاتة اللي ياما جاب لنا بطولات - والصحفي اللي نشر الخبر ده كان أولى بيه إنه يتصل يسألني مش يولعها حريقة عشان قبل كده مارضتش أعمل معاه حوار صحفي - بتوع الشائعات ومدعي عمل صفحات مشبوهة اتهدوا بقى هو مفيش في مصر غير سما المصري - حراقة أوي كده وفاكرين إن ده يهزني؟؟؟".
وأكدت سما "أنا امرأة غير قابلة للكسر اتبطوا بقى يا صفحات الغم والنكد ولصحابي الزملكاوية مش هازعل لما تاخدوا الدوري ورجائي ما تزعلوش لو الأهلي أخد الدوري كلنا مصريين".
هذا الخبر منقول من : الدستور
23 - 05 - 2016, 05:47 PM
العرض العادي
