اكبر مجموعة اكلات صيامى بالصور

[ماريا تى ثيؤتوكوس]

هههههههههه
لحمه وفراخ قال ده بعينهم

صدقينى وبأمانه يا سما لما بعمل نص الكميه بتتنسف
لكن لو عملت الكميه كلها بتكون زى ما هى مش عارفه اعمل ايه
هو انا اتجننت من قليل يا بنتى

[ميرو]

جميل جدا سمسما
ربنا يبارك حياتك

[sama smsma]

المشاركة الأصلية كتبت بواسطة ماريا تى ثيؤتوكوس

هههههههههه
لحمه وفراخ قال ده بعينهم

صدقينى وبأمانه يا سما لما بعمل نص الكميه بتتنسف
لكن لو عملت الكميه كلها بتكون زى ما هى مش عارفه اعمل ايه
هو انا اتجننت من قليل يا بنتى

خلاص اعمليها كلها وانا اجى اكل معاكى
هيييييييييييييييييييييييييييييية

[sama smsma]

المشاركة الأصلية كتبت بواسطة ميرو

جميل جدا سمسما
ربنا يبارك حياتك

حبيبتى يا ميرو كل صوم وانتى طيوبة

[sama smsma]

كفته فول صويا والارز صيامى


المقادير
كوب صغير فول صويا مجروش منقوع فى كوب ماء ساخن
ملح - فلفل - بهارات كفته سبايسى
ملعقتين رز منقوع فى كوب ماء لمده نصف ساعه تقريبا
ثم صفيه و قومى بطحنه فى المطحن


الطريقة
قومى بتصفية الصويا من الماء الزائد و قومى بطحنه فى الكبه مع الرز ليتجانس الخليط معا ثم افرمى بصلة و شبت و قومى باضافتهم للخليط و قومى بتنكيهه كما ترغبين و قومى بتشكيل العجين إلى أصابع و قومى بحفظها فى الفريزر


الطهى :
أدهنى صينيه بالزيت و رصى أصابع الكفتة و أشويها فى الفرن
لما الصينية تطلع من الفرن
ولعى فحمة وضعيها فى وسط الصينية على قشرة بصله وادلقى بسرعه عليها معلقة سمنه سايحة او زيت وغطى الحلة بسرعه واتركي الفحم يندمج مع الكفته
ورشى بقدونس عند التقديم

[sama smsma]

كل صوم و انتم طيبين

[الصخره]

ايوة ايوة
يا شيف سما

[sama smsma]

ميرسي يا وليد لمشاركتك الحلوة

[sama smsma]

الزلابية
بصوص الشيكولاتة - والشربات - وسكر البودرة





مقادير الزلابية
2 كوب دقيق
2 معالق كبار سكر
معلقة كبيرة خميرة
2 معالق كبار زيت
رشة ملح
كوب ماء دافيء وممكن نزود شوية او نقللها شوية على حسب نوع الدقيق . يعنى مانحطش الكباية كلها مرة واحدة
------
الطريقة
نضع رشة الملح على الدقيق ونقلب - نضع الخميرة الفورية - والسكر والزيت ونقلب وبعدين نحط المية شوية شوية ونعجن بصوابعنا وياريت مش نكتر المية علشان العجينة مش تطلع خفيفة وتفرش معاكى وانتى بتحمريها - بعدين سيبيها تخمر في مكان دافيء لمدة ساعه تقريبا او ساعة ونص - بعد ماتخمر نجيب معلقة صغيرة وطبق فيه زيت و نمسك العجينة بايدينا - وكل شوية هانغمس المعلقة بالزيت واحنا بنقطع بيها الزلابيه وننزل بيها في الزيت المغلي ونحمرها ونطلعها في الشربات علطول .
ونطلع حبة على ورق مطبخ ومانحطهاش في الشربات علشان هانرش عليها سكر البودرة او صوص الشيكولاتة بعد كدة
-------------------------------------------


مقادير الشربات
2 كوب سكر
كوب ماء
نصف ليمونة
-----
الطريقة
نضع السكر على النار وعليه المية ومانقلبهومش خالص الا بعد ما يغلى نحط نص ليمونة اول ما يغلي - ونقلب ونسيبه على النار يغلي دقيقتين تقريبا - ونطفي عليه
-------------------------------------------



مقادير صوص الشيكولاتة الصيامى
كوب شيكولاتة خام
معلقتين زيت ذرة
نص كوب سكر بودرة او ربع كوب او اقل ( علي حسب المذاق )
فانيليا
معلقة مية نضعها لو لقينا الصوص سميك او معلقتين علي حسب مانتى شايفاها سميكة ولا لأ
--------
طريقة صوص الشيكولاتة
هنضع الشيكولاتة والزيت فى حلة صغيرة على حمام مائى
ونقلبها لحد ماتسيح خالص
ونحط عليها سكر وفانيليا
ونقلب لحد ماتدوب مع بعض وهيبقى عندك احلى صوص
-------
وبالف هنا

[sama smsma]

سينابون صيامي


المقادير
- ستة أكواب دقيق
- نصف كوب سكر
- نصف كوب زبدة نيبون نباتى
- ملعقة اكل خميرة جافة فورية
- ملعقة صغيرة ملح
- 2 ونصف كوب ماء


الحشــــــــــــــــــــــوة
مربى + جوزة الهند مبشورة + قرفه + سكر مطحون


الطريقة:
تعجن المقادير وتترك العجينه لمدة نصف ساعة حتى تخمر
بعد تخمر العجينة تقسم العجينة الى 6 أو 5 أقسام
يفرد كل قسم ...
ثم يدهن بالزبدة النيبون النباتى السائلة
ثم توضع الحشوة
ممكن إضافة الجوز أو اللوز مع جوزة الهند المبشورة إضافة لحشوة
مربى + قرفه
ثم تلف على شكل اسطواني ...
وتوضع في فرن درجة حرارته اقل من 200 وتترك لمدة 20 الى 30 دقيقه
بعد اخراج الصينية من الفرن ادهنيها بالمربى او بشربات
مخصص للحلويات واتركيها حتى تبرد