صبحيّة مع الرب : 31 / 7 / 2023 /

[souad jaalouk]

يا ربّي يسوع، مش هينة على الشيطان إنّو يطلع منّا بسهولة، لهيك منفكِّر إننا تخلّصنا منّو بلحظة منكون فيا عم نصلّي أو بِعَمَل خدمة منَعملو.

بس الآكيدين منّو يا ربّي يسوع هوّي إنّو رح يرجع يحاول إنّو يفوت فينا مرّة وتنين وألف وما رح يهدا، ورح يستعمل كلّ الطرق تا يبعدنا عنّك.

ونحنا بهالحياة، يا ربّي يسوع، عم نعيش متل كأنّنا مسيطرين عا كل شي، ومن أوّل تجربة منوقع وبتبلش تاكلنا الخطيّة، وأوقات كتير بتصير تقوى علينا ومنستسلم لإلها وما منعود نطلع منها .

يا ربّي يسوع، فيك منلاقي سلامنا وفرحنا، ومعك منقوى عالخطيّة، ورح نسعى دايماً تا نبقى ثابتين فيك وما نخلّي الخطيّة تتملّك فينا وتبعدنا عنّك.

[walaa farouk]

ربنا يبارك خدمتك الجميلة

[Mary Naeem]

شكرا على الصبحية
ربنا يفرح قلبك