|
 |
 |
 |
|
|
|
رقم المشاركة : ( 1 )
29 - 07 - 2023, 10:54 AM
|
|||||||||||
|
|||||||||||
 " انا لحبيبي وحبيبي إلي " طبعا مين فينا ميعرفش الكوبليه ده اللي هو واحد من أشهر أغاني فيروز🎼 ولكن اللي ممكن متعرفهوش أن دي اصلا أية فى الكتاب المقدس "أَنَا لِحَبِيبِي وَحَبِيبِي لِي." (نش 6: 3). بس تعالا الأول اعرفكم الفرق بين الفرح واللذة الحسية وبعدين هنرجع للآية 🌝 ⬅️ اولا هنتكلم عن اللذة الحسية بأختصار واللي هي ممكن تخدعك وتحسها شبه الفرح🚩 بس هي حاجة لحظية ومؤقتة وفى الغالب بتنتج من مؤثرات خارجية زي حواس الجسد زي مثلا لذة النظر لمناظر مش كويسة هي لذة ومن مؤثر خارجي ولذة الأكل ولذة ال shopping وغيرهم كثير .. ده غير أنه اللذة الحسية دي مش بتقدر تنتصر على الالم سواء الجسدي أو النفسي ولو ده حصل فعلا بيبقي مؤقت .. ⬅️ نيجي بقا نتكلم عن الفرح ده بقي برضو شبه اللذة الحسية زاولتك اني اسف😂 بس مش خادع زي اللذة هو شئ حقيقي✨ فالفرح ده عطية من ربنا لينا واساسه المحبة فهو اصلا خلقنا عشان بيحبنا فا بديهي هيكون محتاجنا مبسوطين وفرحانين دايما مش لأوقات مؤقتة .. ده غير أن الفرح بينتصر على اي ألم سواء نفسي أو جسدي "فَأَنْتُمْ كَذلِكَ، عِنْدَكُمُ الآنَ حُزْنٌ. وَلكِنِّي سَأَرَاكُمْ أَيْضًا فَتَفْرَحُ قُلُوبُكُمْ، وَلاَ يَنْزِعُ أَحَدٌ فَرَحَكُمْ مِنْكُمْ." (يو 16: 22) حمدلله على السلامة وقدر ولطف وصلنا لأية علاقة ده كله بالآية🤔 بص يا سيدي بعد ده كله فأنا عايز اقولك بعد تجربة ولف دوران أن مفيش فرح حقيقي منغير متكون جمب حبيبك ( السيد المسيح )🥰♥️ انت مهما دورت بعيد عنه عن حاجات تبسطك وتفرحك مش هتلاقي ولو لقيت هتتوهم إن هو ده ملاذك اللى هتلجأ ليه بس مع الوقت هتزهق وهتعوز حاجة بتحقق ليك سعادة ولذة اكبر من كده .. فخد بالك كويس اوي من مصادر سعادتك لأن ممكن تكون مصادر تعاستك بعد كده .. 🏹♥️ 
|
 |
|
| قد تكون مهتم بالمواضيع التالية ايضاً |
| الموضوع |
| خد بالك لاتكون قاتل نفس وانت مش واخد بالك القتل انواع |
| خلى بالك كويس اوى وافحص نفسك قدام كلمة ربنا ✨❤ |
| ربنا معاك وانت كويس او مش كويس هو معاك كويس اوي |
| خلى بالك من زرعتك كويس |
| خلى بالك منه دا مش كويس...؟ |
العرض المتطور