|
 |
 |
 |
|
|
|
رقم المشاركة : ( 1 )
04 - 06 - 2023, 06:40 PM
|
|||||||||||
|
|||||||||||
 مين هو المسيح!؟ محدش يقدر ينكر سمو تعاليم المسيح ورُقي أخلاقياته عظمة حياته وأفعاله.. وده اللي خلى كتير من الناس تنبهر بشخصيته وتتكلم عنه كتير.. لكن الحقيقة المسيح مكنش هدفه إنه يبهر الناس باللي بيقوله أو باللي بيعمله... لكن هدف إرسالية المسيح يتلخص في أمرين مهمين، ذكرهم الرسول يوحنا وهو بيتكلم عن معجزات المسيح في إنجيله لما قال... "وَأَمَّا هذِهِ فَقَدْ كُتِبَتْ لِتُؤْمِنُوا أَنَّ يَسُوعَ هُوَ الْمَسِيحُ ابْنُ اللهِ، وَلِكَيْ تَكُونَ لَكُمْ إِذَا آمَنْتُمْ حَيَاةٌ بِاسْمِهِ." (يو٢٠: ٣١) نقدر نقول إن هوية المسيح في إنه: ١) الله الظاهر في الجسد. ٢) مُخلص العالم كله بموته على الصليب وقيامته. ودول الأمرين اللي العالم من حوالينا مش قادر يقبلهم، لو ركزنا على أي حاجة تانية بعيد عن الأمرين دول.. يبقى إحنا بنشوف المسيح كمُصلح اجتماعي أو معلم أخلاقي أو قائد ديني.. وفي رأيي الشخصي إن النظرة دي فيها ظُلم شديد جداً للمسيح.. وبتساويه بناس تانية كتير قاموا بنفس الدور ده على مدار التاريخ الإنساني.. لكن إحنا مسيحنا مختلف ومميز عن كل البشر، محتاجين نعرف هويته وشخصيته من الانجيل.. ونقدمه على حقيقته للعالم من حوالينا، حتى لو كانت صورته دي مرفوضة ومُعثرة لناس كتير.. "وَنَحْنُ قَدْ آمَنَّا وَعَرَفْنَا أَنَّكَ أَنْتَ الْمَسِيحُ ابْنُ اللهِ الْحَيِّ." (يو 6: 69). 
|
 |
|
العرض المتطور