06 - 02 - 2023, 05:59 PM
|
|
|
|
..::| الإدارة العامة |::..
|
|
|
|
|
|
عارف يارب أنا المرة دي مهنج...
أنا مش عارف أكمل واخطي الخطوة دي..
عارف أنا أول مرة احس اني ملبوخ كدة ومعصلج تحت إيدك ...
انت عارف إني ماشي طول السكة معاك باجتهاد ومش باتاخر، بس لما جه الدور عالخطوة دي... انا فعلا متأخر.. طاقتي خلصت.
.. مش قادر أعافر وخصوصا اني شايف نفسي مظلوم ..
أيوة باعترف اني مشلول ومش قادر اتصرف..
حالي زي الكلمات دي "قَدْ فَنِيَ لَحْمِي وَقَلْبِي
. صَخْرَةُ قَلْبِي وَنَصِيبِي ٱللهُ إِلَى ٱلدَّهْرِ." اَلْمَزَامِيرُ ٧٣:٢٦
لكن أنا جاي النهاردة بس احكيلك...
أيوة انا دلوقتي مش قادر اعمل حاجة اكتر من اني احكي معاك..
جاي اقولك اسندني وارفعني... شددني وقويني...
جاي اقولك اضمني عند نفسك..
جاي اقولك إن حتى لو الظلم كتير لكن انت موجود عشان تنصفني...
طالب منك تديني نفس طويل للخطوة التقيلة دي...
طالب تخليني امشي واكمل مشي...
طالب تديني اصبر واستنى ايدك تتحرك في المشهد...
جاي وكل أملى فيك.. جاي وبس باصص عليك..
أنا مستنيك تسمع صرختي..
أنا مستنيك تبدل الحال يا صخرتي..
|
