04 - 01 - 2023, 09:06 PM
|
|
|
|
..::| الإدارة العامة |::..
|
|
|
|
|
|
*صبحية مع الربّ*
طلع الصباح وضوّى نورك علينا يا ربّ،
منشكرك ومنسبّحك ومنمجّدك عا كل النِعَم والعطايا اللي بتنعم فيها علينا بهاليوم وبكل يوم.
يا يسوعنا الغالي، كترو بهالايام اللي عم يدّعيو المعرفة،
بس معرفة متحجّرة وعميا، وتحجّرت قلوبن وصارو مليانين حسد وغيرة
وتعالي.
يا الهنا الحبيب، كترو اللي صارو يفتكرو انّن بيعرفوك بمجرّد ما قريو عنّك،
بس مش عارفين انّن متل هالفرّيسيين اللي افتكروك انسان عادي ابن النجّار.
يا ربّنا يسوع، ما بدنا نكون متل اهل الناصرة،
ندّعي اننا منعرف كل شي عنّك ومنرفض عطاياك ومنهينك بكبرياءنا الفاضي والأعمى.
من عم اعماقنا، نحنا عم نصرخلك يا ربّ،
تعا وحرّرنا من آثامنا وخطايانا وضعفنا تا نقدر نتلمّس جمالك فينا.
|
