5 طرق تساعد في بناء علاقات جديدة 😍🖐

[walaa farouk]

1- الاشتراك في الاهتمامات 🤩
وأنت بتتعرف على حد جديد دور على اهتمام مشترك بينكم،
اتبادلوا الحديث عن اهتماماتكم واتفقوا تشتركوا مع بعض
في الاهتمامات دي، لأن ده بيوطد العلاقة بين الأشخاص.

2- كون مستمع جيد 👂
كتير مننا بيميل انه يتكلم، وممكن نكون مش بنقدر
نسمع كتير، لكن لو فكرت هتلاقي الناس
بتحتاج حد يسمعها، بادر أنك تسمع الطرف الآخر باهتمام
وعبرله انك مركز في كلامه، بلاش تسمع اللي قدامك
وانت ماسك الموبايل كالعادة.

3- كون ودود ومبادر 🚶‍♂️
خليك لطيف مع الناس اللي حواليك،
عاملهم بود وبادر في أنك تسأل وتهتم بيهم،
أوقات بنكون مستنيين أن حد يهتم بينا ولكن مش بنبادر
بأننا نعمل كده، اسأل واطمن وأهتم
وأكيد هتلاقي الافعال دي بتردلك

4- سيب مساحة 👨‍👨‍👧‍👦
مش معنى اني اهتم أني أفرض على الشخص
شكل علاقة وكلام معين، ممكن الشخص مش عايز يتكلم
أو مش قادر، لازم مدخلش في حياته بزيادة،
أدخل على قد المساحة اللي هو بيسمحلي بيها،
واديله مساحة أن يقول ويعمل اللي هو عايزه،
واديله مساحة لدواير علاقات تانية.

5- خليك مرن 🙈
أوقات ممكن احط نموذج في ذهني عن التصرف المناسب
ولو اللي قدامي معملش اللي في دماغي
ممكن اتراجع في العلاقة، لكن الحقيقية إننا مختلفين
وكل واحد له طريقته وتصرفات علشان كدا
لازم نقبل الاختلاف وكمان نقبل الضعف البشري.