ابويا هو السيد والمسيطر

[walaa farouk]

انا صحيت إمبارح علي خبر الدولار اللي رفع اللي حرفياً عمل شلل
في دماغي وذهني وكل الصور المرعبة اللي جات قدامي وانين جوايا هنروح فين تاني ياربي ….
اسعار كل يوم بقت بتزيد ...
وخلاص هانهار …
طحنة كبيرة اوي جوايا بين الواقع والإنسان اللي جوايا اللي بيصرخ وبين ايماني اللي مصممة أكمل بيه …
بس خارت قوتي حرفياً …
وانا في مرحله الصراخ دي جيه جوايا اوي
لأَنَّهُ هَا هِيَ الظُّلْمَةُ تُغَطِّي الأَرْضَ وَالظَّلاَمُ الدَّامِسُ الأُمَمَ. أَمَّا عَلَيْكِ فَيُشْرِقُ الرَّبُّ،
وَمَجْدُهُ عَلَيْكِ يُرَى." (إش 60: 2).
تَفْتَحُ يَدَكَ فَتُشْبعُ كُلَّ حَيٍّ رِضًى." (مز 145: 16).
ولاقيت جوايا بكاء كتير اوي ودموع وصراخ
وكأنه عاوز يقولي مقدر ضغطتك …
انا يارب لسه مصممة أكمل بواقع تاني غير اللي شايفاه
مصممة اثبت عيني عليك
مصدقة إن ابويا هو السيد والمسيطر
اللي مش متفاجئ زيي و كمان عارف وكل حاجة محسوبة عنده …
الإله القادر على كل شيء
تعالوا نعلن الحق بآيات ونفكر نفسنا مين هو إلهنا