|
 |
 |
 |
|
|
|
رقم المشاركة : ( 1 )
02 - 10 - 2022, 08:17 PM
|
|||||||||||
|
|||||||||||
 في كتير من الناس بيخافوا الله، في منهم اللي بيعمل أعمال حسنة، أو بيحاول يصلي، وكل حد بيحاول يوصل بطريقته علشان خايف من الله. وفي (أعمال الرسل 10) بيحكي الكتاب المقدس عن واحد اسمه كرنيليوس، معلش اسمه صعب شوية بس ركز معايا في قصته. الراجل ده كان كل الناس بتشهد له انه بيعمل خير، كمان كان بيصلي وبيعمل صدقات، وكان بيدور على الله بجد، بس كان ناقصه يعرف المسيح علشان يخلُص. الله شاف أشواق كرنيليوس إنه يعرفه، وقال له على الرسول بطرس وان هو اللي هيشرحله طريق الخلاص. وهنا جه دور الرسول بطرس إنه يحكيله عن السيد المسيح، وإن إزاي بموت المسيح وقيامته تتغفر ذنوبنا وقاله بطرس " لَهُ يَشْهَدُ جَمِيعُ الأَنْبِيَاءِ أَنَّ كُلَّ مَنْ يُؤْمِنُ بِهِ يَنَالُ بِاسْمِهِ غُفْرَانَ الْخَطَايَا" (أعمال الرسل 10: 43) بالإيمان بالمسيح بس غفران الخطايا، أوعى تفتكر إن بأعمالك الحسنة هتعرف ترضي الله وتنال الخلاص، لأن كرنيليوس كان بيعمل كدا، وده مخلهوش يخلُص، لكن لو بتخاف الله وبتدور عليه من قلبك توب وآمن بعمل المسيح لأجلك. وخد بالك انت لو ما أمنتش بالمسيح ملكش خلاص، ملكش غير دينونة، مكتوب عن المسيح في نفس الاصحاح آية 42 "وَنَشْهَدَ بِأَنَّ هذَا هُوَ الْمُعَيَّنُ مِنَ اللهِ دَيَّانًا لِلأَحْيَاءِ وَالأَمْوَاتِ." المسيح هو ديان الأحياء والأموات. شوف النهارده عايز يبقى المسيح بالنسبة لك إيه؟ مُخلص ولا ديان؟ ☺️ 
|
 |
|
العرض المتطور