|
 |
 |
 |
|
|
|
رقم المشاركة : ( 1 )
27 - 09 - 2022, 11:56 AM
|
|||||||||||
|
|||||||||||
 - مخنوق؟ - معلش فيه غيرك رايح ياخد جرعة كيماوى دلوقتى، بتبهدله وتخليه يرجع وجسمه كله بيبقى قايد نار. - زعلان؟ - معلش، أعرف تلاتة غيرك النهاردة دفنوا أهاليهم من شوية ولسه راجعين م الدفنة. - الأكل مش عاجبك؟ - معلش، فيه ناس مش بعيدة معاهاش تمن لقمة عيش واحدة حتى. - العيال عاملين لك دوشة؟ - معلش، جيرانك للمرة الألف عملوا حقن مجهرى وربنا لسه ما أرادش. - متخانق مع أمك وأبوك؟ - معلش، فيه غيرك بيروح يبوس هدومهم اللى فى دواليبهم وجزمهم اللى ع الأرض قبل ما يوزعها على أصحاب نصيبها وبيبقى نفسه يسمع حسهم بس خلاص ما عادش. - الفلوس مش أوى معاك ؟ - معلش فيه غيرك مش عارف يدفع فلوس تنكيس البيت ومصاريف المدارس وايصال الأمانة ووارد جدا يتحبس. - العربية بتعطل؟ - معلش غيرك بيروح شغله مشى وأما بيدبر تمن الأوتوبيس بيقول سبحان الذى سخر لنا هذا. - لبسك قدم؟ - معلش، فيه غيرك اللبس ده بالنسبة له حلم. هاه يا صاحبى، ايه رأيك؟ الأمثلة صعبة وما بتخلصش ولسه فيه كتير أوى. نقول الحمد لله؟ طبعا وألف حمد وشكر. ولو يومك عدى عادى وكلت لقمة ونمت من غير ما تقول اه ودخلت الحمام على رجلك ولا مؤاخذة شطفت نفسك وانت مستور، ده انت ملكت الدنيا وما عليها. قوم صلى و اشكر ربنا وقول الحمد لله وايدك يارب تتباس وتتحط علي الراس 
|
 |
|
| قد تكون مهتم بالمواضيع التالية ايضاً |
| الموضوع |
| اشكر ربنا افرح بربنا ثق فى ربنا |
| هل تعلم لماذا نقول الحمد لله بعد العطاس ؟ |
| اشكر فحسن هو الحمد للرب |
| اشكر ربنا |
| اشكر فحسن ٌ هو الحمد للرب . |
العرض المتطور