|
 |
 |
 |
|
|
|
رقم المشاركة : ( 1 )
30 - 07 - 2022, 05:34 PM
|
|||||||||||
|
|||||||||||
 ايوه عم عطية مش غلطان يا عم عطية مين بس اللي مزغلك ...هو كان حد من الأقباط فتش في كتابك واستدل بآية أو بنص من التراث علشان يسترشد بيه أو طلع وقال إن عيسى هو المسيح ... أنتو اللي ليل نهار حاطين المسيحيين في دماغكوا وبتفتشوا في الإنجيل وبتسترشدوا بكلام يسوع المسيح .. ودا مش غلط على فكرة إن الناس تفكر وتعرف من باب العلم أو الفضول على الأقل ..وبصراحة تعليقات أغلب المسيحين والأحباء المسلمين كانت مابين ساخرة وحاسمة ومشفقة جدا على عم عطية بعد ماطلع منفعل وطبعا ورط نفسه بتهوره وقال " بلا السيد المسيح بلا السيد المريخ " ولولا انه انتبه في لحظة كان فلت لسانه وقال بلا .... عموما العالم الجليل ماغلطش .. وفعلا إحنا بنعترف ونتفق معاه جدا ..رغم فارق الأسلوب الاخلاقي في الكلام .. أن عيسى مش هو أبدا السيد المسيح .. من حقك تقول في عيسى اللي يعجبك انشالله تمرمط بيه الأرض لكن عند السيد المسيح ( وخد بالك من كلمة السيد دي اللي بتطلق فقط على الحي ومن له وحده السيادة ) فلازم تعرف انك مش بتتكلم عن رمز ديني لأ . دا السيد اللي لايختلف اتنين تحت السماء إطلاقا عن كونه الكلمة الحية المتجسدة .. صاحب السلطان على الأرض وفي السماء وعلى المريخ والمجموعة الشمسية كلها . سيد الأسياد .. الضمير الحي للعالم ..غافر الخطايا وحده .. صانع السلام والفرح والخلاص والفداء لكل الأرض بلا أي استثناء .. السيد المسيح وليس غيره هو الوحيد اللي قدر ومازال يقول عن نفسه جهرا أنا هو الطريق والحق والحياة ..أنا الألف والياء .. الأول والآخر.. البداية والنهاية ..كل هذه أكتر ياعم عطية تخص فقط من له السلطان والسيادة والدينونة الأعظم اللي هو السيد يسوع المسيح له السجود .. فمستحيل يكون عيسى هو السيد المسيح كدا إحنا متفقين .. فقبل ماتنفعل وتورط نفسك وبعدين تتراجع وتحول القضية لخطأ لغوي ..( بجد صعبان عليا ..) احنا مش شوية عمم قاعدين قدامك تضحك عليهم بشوية سجع لغوي وتنوين قوافي ونهز رؤوسنا ونقولك ألله يامولانا ..شوية تريث مش أكتر .. طيب كنت جرب وافتح الكتاب الأول مع نفسك واقرأ شوية من التطويبات اللي بيحكوا عنها دي ..يكفي طوبى لصانعي السلام لأنهم ابناء الله يدعون ..طوبى لأنقياء القلب لأنهم يعاينون الله ... دي بعض من كلمات النعمة من فم سيد الكون والعالمين المسيح يسوع اقراها من غير خوف و مش من منظور عيسى خالص علشان تقدر تفهم وبعدين هاجم .. ماحدش هايمنعك ولاهايمسك ازدراء ولا غيره .. ياعم عطية نصيحة لوجه الله تقولها لمريديك ولكل الأحباب وهاقولك من كلام السيد المسيح هايفيدك اوي ..المسبح قال بما معناه أنه ماينفعش ابدا آخد رقعة من توب حي وجديد وأرقع بيه ثوب متهرء جدا ومش مستور .. لأن الرقعة الجديدة دي هاتمحي القديم اللي مش نافع خالص وهايبقى حال الخرق أسوأ جدا ..يعني ممكن جدا نفتح الكتاب علشان نعرف ونفهم مش علشان ننتش أي حاجة نرقع بيها عورة أفكارنا وتراثنا .. وصلت كدا ..؟! . عموما شكرا وماتزعلش نفسك خالص .. عن نفسنا إحنا مش زعلانين ..بس للتوضيح مش أكتر .. ومحاسبتك ماتفرقش ولن نطالب بها .. المهم السيد ينور بصيرة كل البشر بالحق والحياة .. . 
|
 |
|
| قد تكون مهتم بالمواضيع التالية ايضاً |
| الموضوع |
| بالتأكيد عطية الإيمان روحية، وأيضًا عطية الحكمة والمعرفة وما أشبه ذلك كالبتولية |
| غلطان مش غلطان مابيفارقنيش |
| عطية الروح القدس عطية عظيمة تستحق الشكر |
| ...أى وردة..ايوه يا حبيبى ايوه أى وردة |
| انك كنت غلطان |
العرض المتطور