|
 |
 |
 |
|
|
|
رقم المشاركة : ( 1 )
03 - 07 - 2022, 11:47 AM
|
|||||||||||
|
|||||||||||
 كتير لما بنسمع كلمة "تعفف"، بتيجي في أذهاننا كلمات زي الطهارة ، النقاوة، أو القداسة ..☺️ لكن التعفف أشمل من كدة شويتين ..😀 التعفف في معناه الأدق "التحكم في النفس" self control .. يعني ظبط النفس والسلوك والمشاعر في تفاصيل يومي ..👌 👈يعني مثلاً لما أعرف اتحكم في رغبتي الملحة لحاجة مش مناسبة ليّ دلوقتي .. ده تعفف 👈لما أعرف اتحكم في استنزاف وقتي وسط إيقاع سريع للأيام .. ده تعفف 👈لما أعرف اتحكم في اتجاهاتي وسط أفكار واغراءات ومعتقدات غريبة حواليا .. ده تعفف 👈لما أعرف اتحكم في نظرتي للفلوس إنها وسيلة مش هدف للحياة . . ده تعفف 👈لما أعرف اتحكم في غضبي قدام حاجات مستفزة فعلًا .. ده تعفف 👈لما أعرف اتحكم في غيرتي وأفرح من قلبي لنجاح حد غيري .. ده تعفف 👈لما أعرف اتحكم في لساني أقول أيه ومااقولش أيه .. ده تعفف باختصار لما أعرف اتحكم "فيّ" أني أفكر واتحرك واتكلم "بنور" يخليني إعلان لله وسط الناس .. ده تعفف والحقيقة أن التعفف على قد ماهو جميل على قد ماهو صعب .. وعشان أنا ماقدرش أعمله كده مع نفسي، ✋ شخص الروح القدس نفسه هو اللي "بيثمره" فيّ .. الروح القدس اللي بيسكن فينا ..😇 طول السكة محتاج أخضع للروح القدس وأقوله شكلني واخلق فيّ "جمال التعفف" .. وهاكمل السكة وانا خاضع لروحك .. روحك بيجمل فيّ🤲☺️ ثمار_الروح_القدس 
|
 |
|
العرض المتطور