ثمرة المحبة ( ثمار الروح القدس )

[walaa farouk]

المحبة لا تسقط أبدا ....💜
والمحبة أني أطلع برا نفسي .. المحبة بذل ...
. المحبة أني أختار أشوف الحلو فى غيرى ..😀

يمكن الكلام يبان عادى ... 🤷‍♀️
من كتر ما سمعنا في الكنايس عن المحبة ...
لكن فعلًا الموضوع صعب جدًا.... 🙈

📍الغير دول هما اللي حارقين دمي😂
📍الغير دول اللي وجعونى وجع بتشفي منه بقالي سنين 🤷‍♀️
📍الغير دول اللي ممكن يبقوا مش بيتمونلي أنا الخير 🙆‍♀️

وكل شوية بنخبط في صراع جديد مطالب
مننا نحب محبة محتاجة طاقة وتسامح كبير بجد .☺️

👈الغريب أن "المحبة" أول ثمر من ثمار الروح القدس...
ونلاقي في مشهد عتاب لملاك كنيسة أفسس
"لكِنْ عِنْدِي عَلَيْكَ: أَنَّكَ تَرَكْتَ مَحَبَّتَكَ الأُولَى." -(رؤ 2: 4)

👈ويكمل ويقول "فَاذْكُرْ مِنْ أَيْنَ سَقَطْتَ وَتُبْ،
وَاعْمَلِ الأَعْمَالَ الأُولَى"

وبيأكد أن عدم المحبة ده خطية محتاجة توبة فعلآ ... 🤲

علشان كدة الروح القدس اللي بيعين ضعفي هو موجود علشان يساعدني أجدد محبتي
وأنا بصارع وأحيانًا بتألم ⬅️
روح الله لما بيسكن فيا بيثمر فيا ويخليني أعمل حاجات يمكن عكس قوانين الناس ...

كل يوم قعدتى قدام ربنا هي مجرى المياة .. الحياة اللي بتعلمنى أغفر وأحب....

السكة مش سهلة بس مع الروح اللي ساكن جواك
هتكتشف أن فى متعة خاصة بجد
لازم تجرب 😍😉
واطلب من الروح القدس يملاك فتثمر ثمرة المحبة💜

ثمار_الروح_القدس
شريكي_الأعظم