مثل الزارع برؤية جديدة

[walaa farouk]

حالياً عدد المسيحين في العالم تقريباً 2,3 مليار، لكن هل كلهم يعرفوا الله ؟!
.هل كهم تربة صالحة لزراعة كلمته ؟! .هو ده اللي هنعرفه إنهاردة في مثل الزارع.

مثل الزارع برؤية جديدة
يسر شركة (…) أن تعلن عن فتح باب جديد للتوظيف وذلك في الإختصاصات الآتية :

-مندوب دعاية

-أمين مخازن

-صانعي محتوى

-مسئول علاقات عامة

يشترط توافر : الجدية – التفرغ – التركيز – العمل في فريق

على من يري في نفسه المؤهلات المطلوبة يرجى سرعة التوجه لعمل الإنترفيو مع الفريق المختص.

ملحوظة : هناك وظائف أخرى متاحة رجاء التواصل مع فريق العمل للتعرف عليها، يحدد المرتب أثناء المقابلة حسب الخبرة والمجهود.

أعتقد أي حد فينا لما بيشوف إعلان وظايف، دايماً بيدور على المؤهلات المطلوبة والمرتب وتفاصيله.
بيبحثها ويشوف هتناسبه ولا لأ . وعلى أساسه يقرر فعلاً ،
هل الموضوع يستاهل أروح وأقدم وأخوض المغامرة ؟! ولا أطنش بقى وخلاص.

تقريباً يسوع عمل كدا في متى 13، الكتاب بيقول إن الجموع مجرد ما شافت يسوع اتجمع حواليه كتير جداً،
فيسوع قرر يقولهم مثل الزارع، ووبساطة إن في زارع خرج يزرع أرضه فوقعت منه بذور على الطريق..
بذور تاني على أرض محجرة .. بذور تانيه وسط الشوك .. وبذور أخيرة في تربة صالحة.

مؤمنون ولكن …
وابتدي يسوع يكمل إيه رمز كل أرض وأيه معناها، وهو على قلبه يقولهم لاحظوا قلوبكم !!.

يعني لأنكم شفتم أني بعمل معجزات وبنزل خبز من السماء ” بتتبعوني “.

لأنكم شفتم أني بشفي الأمراض وبخرج الشياطين ” بتتبعوني “.

لأنكم شفتم أني بقيم موتى “بتتبعوني “.

بس محتاجين تفهموا أني أنا برضة بتألم وبتعرض لمؤامرات من اليهود.

محتاجين تفهموا أني بتطرد من مجامع وأني ماليش مكان أسند راسي فيه.

فأحسبوا حساب النفقة شوفوا هتقدروا تتبعوني ولا قلبكم مليان بمحبة المال والشهوة وهموم الدنيا.

جحيم القلب
يجي حد يقولي بس أنا فعلاً قلبي مليان بمحبة غريبة عن محبة الله وبحبه فعلاً مصلحة للأسف.

فيسوع يقول ماذا تريد أن أفعل لك ؟.

والإجابة هنا في ملعبك لو قلت يا سيد أن أبصر بالحق .. يقولك عنيا ليك يا حبيبي وأنا مرسل لكدا أصلاً.

لكن لو مضيت حزيناً زي الشاب الغني لما يسوع قال له على مشكلته،
هتبقى كأنك بتقوله يارب أنا مقدرش أغير قلبي ولا أنت كمان تقدر تغيرلي قلبي.

فقبل ما تروح وتجري علشان مرتب الوظيفة ” اللي هي الشهرة والمجد اللي بياخدهم اللي بيتبعوني.
محتاج يكون متوفر فيك شروط القلب الصالح،
القلب اللي عبارة عن تربة لينة أقدر اشكلها لملكوتي وأخليها إناء للكرمة
قلب ثابت يقدر يسمع كلمة الله في كل الظروف.