16 - 05 - 2022, 09:26 AM
|
|
|
|
..::| الإدارة العامة |::..
|
|
|
|
|
|
في مرة السيد المسيح حكى القصة دي،
كان في شخص غني عايش ومبسوط..
وجنبه شخص فقير اسمه لعازر من الأزمات مضغوط،
الغني كان بيلبس أغلى الهدوم وبياكل أشهى المأكولات،
ولعازر كان مجروح ومطروح على الباب وبياكل من الفتات،
وفي يوم ماتوا الاتنين سوا..
الغني راح للجحيم يتعذب،
ولعازر راح السما يتعزى..
مشكلة الغني إنه رفض يقدم رحمة للفقير..
أو يساعده في وسط ظروفه الصعبة وألمه المرير،
والحقيقة إننا بنعمل زي الغني في حياتنا الأرضية..
بنعيش في راحة واستقرار وأمان في أمورنا المادية..
وبنقفل عينينا وبنمسك ايدينا عن سندة المسكين،
مع إننا نقدر نكون للمحتاج سند ومُعين..
خد قرار إنك تسند غيرك وتقف جنبه،
ولو جات لك فرصة إنك تساعده مادياً وتشيل عنه،
أوعى تتأخر أو تأجل عطاءك..
وافتكر دايماً كلام إلهك...
"مَنْ يَرْحَمُ الْفَقِيرَ يُقْرِضُ الرَّبَّ،
وَعَنْ مَعْرُوفِهِ يُجَازِيهِ." (أم 19: 17).
|
