|
 |
 |
 |
|
|
|
رقم المشاركة : ( 1 )
30 - 04 - 2022, 11:34 PM
|
|||||||||||
|
|||||||||||
 مش فاكرة إني عمري فكرت اشكر ربنا عالذاكرة. أشكره على إني فاكرة حاجات كتير محتاجة افتكرها. مش ببساطة إنك تبقى رايح تفتح الثلاجة وتفضل باصص جواها وانت ناسي أصلاً انت عايز منها إيه. لا ده حاجات تاني أهم من كده بكتير. بس كل ما اكبر وكل ما باحاول اتذكر حاجة بصعوبة ابتديت احس أد إيه الذاكرة نعمة. خصوصاً كمان لما بتشوف حد من حبايبك بسبب مرض مُعَيَّن بدأ ينسى. ينسى الأشخاص؛ اه شايفهم بعينيه بس مخه مش جايب مين دول. تلاقيه كده بيبص لك ويطوِّل في بصته ويا افتكرك يا مافتكركش . وشوية شوية تلاقيه من كتر مجهود محاولة التذكُّر يستسلم والناس كلها بالنسبة له حاجة واحدة: بشر مايعرفهمش. وياريت الموضوع بيقف عند كده. لأ ده كمان بيمتد لكل ذكريات الماضي. لكل الحاجات الغالية اللي عنده. لقدرات جسمانية بتساعده على الحياة زي القدرة على المشي والكلام والبلع لحد ما يتحول إلى حطام بني آدم؛ موجود لكن مش موجود. عارفين؟ حتى إنك تفتكر الذكريات المؤلمة في حياتك نعمة. أصلها بعد ما بتمر وتعبُر وبعد ما تخرج منها، أد إيه بتكون نعمة إنك تحس بالرحب اللي خرجت فيه بعد الضيقة. لو مافتكرتش الوجع اللي فات والذكريات الصعبة اللي كانت محاوطاه ومحاوطاك مش هتعرف تتمتع بشعور الراحة اللي بقيت تحس بيه. مش هيكون عندك reference أو مرجع تقارن بيه حالة بحالة. والصراحة لسه كنت باقرا آية دلوقت أول مرة اخُد بالي منها بتقول“اللَّطَمَاتُ وَالْجُرُوحُ تُنَقِّي مِنَ الشَّرِّ، وَالضَّرَبَاتُ تُطَهِّرُ دَاخِلَ النَّفْسِ.”(أمثال ٣٠:٢٠ SAB). وفي ترجمة من الترجمات الإنجليزي بتقول “Sometimes it takes a painful experience to make us change our ways.” **Proverbs *20:30 *GNT يعني ذكرياتك جزء مهم من حياتك لإنك لما بتفضل فاكرها، حتى المؤلم منها بيشكِّل ويغيَّر في حياتك والمفروض إن ده بيكون للأفضل. كتير مننا، إن ماكانش كلنا، بنتمنى ننسى تجارب وآلام كتيرة مرينا بيها في حياتنا ، بس لما بنبص على حياتنا دي، طبعاً واحنا خاضعين لعمل الله في حياتنا وسامحين لنفسنا نشوف ايده في كل ظروف حياتنا، هنلاقي نفسنا قادرين نشكره حتى على اللي بيسميه الكتاب "الضربات". ياه ه ه يارب. انت فعلاً عجيب. أنا عايزة فعلاً اشكرك على الذاكرة وخصوصاً الجزء منها اللي مازال فاكر الأوقات الصعبة اللي فاتت في حياتي. وحتى لو سمحت إني أعبر في أوقات تاني زيها أو شبهها، هاكمِّل أشكرك لإني جربت إزاي إنك بتحول كل الأشياء للخير. التوليفة العجيبة دي من الألم والضيق للراحة والرحب بتطَّلع مُنتج عجيب من صنعة إيديك. ساعدني افتكر كله. كله. الحلو والمر. ساعدني افتكر. “فَٱحْتَرِزْ لِئَلَّا تَنْسَى.” (تثنية ١٢:٦). 
|
 |
|
| قد تكون مهتم بالمواضيع التالية ايضاً |
| الموضوع |
| ساعدني افتكر 💡انك حطيت روحك القدوس جوايا |
| الفرق بين الترمس الحلو والمر |
| شكرا يارب على الحلو والمر |
| أشكرك يا رب على الحلو والمر |
| افتكر لغيرك الحلو وانساله كل أساءة |
العرض المتطور