منتدى الفرح المسيحى  


العودة  

الملاحظات

إضافة رد
 
أدوات الموضوع انواع عرض الموضوع
  رقم المشاركة : ( 1 )  
قديم 12 - 04 - 2022, 11:21 PM
الصورة الرمزية walaa farouk
 
walaa farouk Female
..::| الإدارة العامة |::..

 الأوسمة و جوائز
 بينات الاتصال بالعضو
 اخر مواضيع العضو
  walaa farouk متواجد حالياً  
الملف الشخصي
رقــم العضويـــة : 122664
تـاريخ التسجيـل : Jun 2015
العــــــــمـــــــــر :
الـــــدولـــــــــــة : مصر
المشاركـــــــات : 375,007

الزعلوميتر



كل واحد زعله حتة من شخصيته و تكوينه و نشأته ..

فيه زعل الغضبان الثائر : ثورة و هجوم و عنف ، صوت عالي بس ، و بعدين ينزل علي مفيش، قلبه ابيض لس صوته عالي ..

و فيه زعل الغلاط: وقت الزعل "يطرطش زلط" ، ما بيحسبهاش: كلام قاسي و غلط و عنف لفظي ، و تطاول و خساير لكل الناس ..

و فيه زعل الحساسين : يزعل لجوه و يعيط لجوه ،
و يشيل في نفسه قوي ، و يقعد ساكت و ياخد جنب
.. و اول ما حد يراضيه بكلمتين حلوين ،
يتراضي و ترجع له ابتسامته ..


و فيه زعل المبتسمين : اللي عمره ما يبين زعله من كتر كرامته و عزة نفسه .. يداوي نفسه و يداديها، و يخبي وجعه ورا ضحكته ..
و ما يتكلمش الا لو حد حس بيه و سأله، و أصر انه يفتح قلبه و لسانه
..

و فيه زعل الاطفال : يكمل يزعل زي زمان ، يعند و يبطل ياكل
و يقفل علي نفسه و يتزرزر (يثور) ..

و فيه الزعل البسيط : واحد ما بيعرفش اصلا يزعل من كتر ما نيته بيضا..

كل واحد تعرفه لازم تعمله تحليل "الزعلوميتر" بتاعه علشان تفهمه ، و تتعامل مع زعله بطريقته ، و تكسبه ..

و اول ما نتيجة "التحليل" تطلع ، اوعي تلومه و تستهون بطريقته ..
لو سبته في زعله "بيموت" حرفيا و الزعل بيزيد و المرار يتضاعف و المسافات تبعد ..

علي قد طريقته اتعامل معاه .. اوعي ترد علي زعله بزعلك ، و تعند و تبعد ..
أفهمه و ادخل جواه ..
لان مرات حكمة تعاملك مع زعله تكسبه و تشفيه و تداوي جروح قديمة جواه هي اللي "شكلت" طريقة زعله اللي انت شايفها ..

تعامل مع زعل الناس من ارقي فنون الحياة ..
رد مع اقتباس
إضافة رد


الانتقال السريع

قد تكون مهتم بالمواضيع التالية ايضاً
الموضوع
الزعلوميتر من أهم مهارات نجاح العلاقات الإنسانية


الساعة الآن 10:47 PM


Powered by vBulletin® Copyright ©2000 - 2025