|
 |
 |
 |
|
|
|
رقم المشاركة : ( 1 )
19 - 09 - 2012, 10:27 PM
|
|||||||||||
|
|||||||||||
|
الســلام لك والسلامه من هنا ليــوم القيامــه ياللى أظهرت الكرامـه بعد عهد المرسليــــن ياللى من لعبك بمغــزل تطلع البورصات وتنــزل فوق دماغ لندن وتعــزل لا نكشــير الغزالــين ............. فيلسوف مايخيبش قولك كل فلسفتك فى نولــك والتلاميذ اللى حولـك بالمكاكيـك شغاليـن ............... لنجليز عايشين فى لـذّه عندهــم أسطــول وعــزّه وانت تضربـــهم بمعـزه سوده بنت اربــع سنين .............. من هنا تيـجى المقالـب اللى مغلوب يبقى غالـب واللى مطلوب يبقى طالب والهزيل ياكـل السـمين ............... قول بدل بفتيـــك وبيرى يطبخوا بســيرج بابورى والبودنج ان كان ضــرورى ياخدوا حته من العجــين ............ لا نجليـز تاخد ما تــدّى بالحفـــان من كل هنـدى واتنبــح صوتك ياغانـدى ماالتقيـتش المنصفين ............ قول مادام الحـق ضايـع والغرض بيـع البضــايع الحرام ســاتر وســــايع ولا نمــشى عريانــين .............. يخضعـوك ليه للتجـاره ونت فى أرض الحـــراره كل قرش يروح خســــاره فى الزفيـر والنفتالـين ............... كل واحـد عنـده معـده ماسـكه روحه خدها قاعـده ان طمع تخـلق له أعـدا يقعـدوا له مرصصــين ............... عالقضــيب والقطر ماشـى يصــبح العصيان بلاشى ون عملهـا ومااكتفاشـى يبقى يــاكل عزرائين ............... ولا ياكل م المناجم فحم به ع الدنيا هاجـم واللى به داس ع الجماجـم أحيـاء ولا ميتــــين .............. يازعيــم الهــند صومـك حبّب العـالم فى قومــك وانتهت حجّـــة خصـومـك اللى باتوا ملبــوخيــن .............. كلهــم واقعـين فى حيــره يعقـدوا جلســات كبيـــره فوق موائـد( مستديـــــره) يعنـى لســــه محـلقـــين ............ يغضب الحاكـم لنصحــك يحبسـك ويعود يصالحـك وانت تستعجب وتضحـــك عالجبـابره القحطانـين ................ يحسبـوك طالب جرايـه ترعـبك هزة عصـــايه يلتقـوك ياغانـدى اّيه فى الجهـاد صايم سجين ................. كام زعيم فى الدنيا مثلك يرضى يـاكل زى أكلــــك ولا يلبس زى شــكلك كلّهم متحـفلطـــين .................. اللى بات ناصب مشــانق واللى خايف م الشـرانق واللى اهـو بايت يعانق واللى قدامه الطحـين ******************* ********************** 
|
 |
|
| قد تكون مهتم بالمواضيع التالية ايضاً |
| الموضوع |
| انا فى انتظارك بيـرم التـونسى |
| تنويعات بيـرم التـونسى |
| الورد بيـرم التـونسى |
| مناجاه بيـرم التـونسى |
| جهل فقر مرض بيـرم التـونسى |
العرض المتطور