اديني صلاه زي صلاه ابويا يعقوب

[walaa farouk]

يعقوب لما ضاق بيه الامر وخاف جدا من مقابله عيسو ليه
بعد 20 سنه ملقيش حل قدامه غير انه يروح مكان بعيد ولوحده
ويبدا " يصلي " ويطلب معونه ربنا ليه ❤ ..
بس يعقوب من كتر لجاجته ف الصلاه وتكرار طلبته كان بيتخانق مع ربنا خناق
حتي الكتاب المقدس بيقول " راى أنه لا يقدر عليه "
يعني ربنا من كتر ما يعقوب متشعبط فيه وبصليله وبيطلب منه كتير مقدرش عليه 🙂
وبردو ابونا يعقوب مسبهوش وفضل متشعبط فيه
وقاله مش هسيبك غير لما تسمعني وتحققلي طلبي وتباركني " لا اطلقك أن لم تباركني "
يارب نفسي ف كل مرة اصلي ليك فيها متسبنيش غير لما تباركني
بس اديني صلاه زي صلاه ابويا يعقوب تكون بلا انقطاع وبلجاجه