لو بنتك بتتعرض للتنمر تعملي اية ؟

[توتا كمال]

لو بنتك بتتعرض للتنمر تعملي ايه؟

ايه يابنتي اللي حصل مع صحابك إمبارح
محصلش حاجه
طيب ليه مخصماهم
كده
يعني مش عاوزه تحلي المشكله
مفيش مشكله أنا مرتاحه كده
أنتِ حره أنا حاولت أساعدك بس أنتِ مش عاوزه وانا زهقت ويأست منك
---------------------

كام مره الموقف ده بيتكرر بأشكال مختلفه مع بنتك
وبتبقى النتيجة عندك واحده

عجز ويأس وفقدان أمل

كتير من كتر قوة الشعور السيء عندنا إحنا الكبار بنخبيه وبنظهر عكسه

زي كده ما تقولي لزوجك إنت مبقتش بتهتم بيا خالص ...((خلاص متكلمنيش تاني وكل واحد يعيش في حاله))

وانتِ من جواكي عاوزه تقولي العكس
((كلمني ..أهتم بيا زياده .. شاركني الحياه أكتر))

كذلك بيحصل مع بناتنا
وده اللى حصل مع الموقف اللى فوق

البنت يا حبيبتي من كتر ما أذيها إحساس أن صاحبتها أتنمرت عليها بكلمة وهي مش عارف تتعامل معاها ولا مع أصحابها التانين اللى سبوها واتلفوا حولين البنت اللى خصمتها فمش قادرة تقول ده ......

فالبنت ياحبيبتي بتقول كلام تهرب بيه من إحساس الخزي والعجز

واللى ورا السلوك اللى عملته والكلام اللى قالته معاكي عاوز يقولك ك مامي حاجه تانية خالص
---------------------------------

ما وراء سلوك وكلام بنتك عاوز يقولك.....

📌أنا مش عارفه اتعامل مع البنات حواليا بشكل يرضيني
📌محتاجه أتعلم شوية مهارات إجتماعيه
📌أصبري عليا وعلميني خطوة صغيرة بخطوة صغيرة
---------------------------------

[walaa farouk]

مشاركة جميلة جدا
ربنا يفرح قلبك

[Mary Naeem]

رووووووووووعة
ربنا يفرح قلبك