|
 |
 |
 |
|
|
|
رقم المشاركة : ( 1 )
09 - 03 - 2022, 10:08 PM
|
|||||||||||
|
|||||||||||
 كل بلد بيبقي ليها لغة مختلفة عن أي بلد تانية ""طريقة النطق - شكل الحروف - حتى تنظيم الجملة وتركبها "" تعليم اللغات حاجة بتاخد وقت وعايزة ممارسة ""معافرة"" مش بتيجي بالساهل 😁. لغة الله لكل العالم هى ""المحبة"" محبة أبدية أحببتك من أجل ذلك قدمت لك الرحمة- حاجة مبهجة أني استمتع بحب الله وغفرانه ليا 💜 لكن الصعب لما جيت أتعلم لغة الحب دي.. زى ما استقبلت حب محتاج أطلع حب 🤷♀️💜 وكنت فاكر إني بعرف أحب ويمكن ياما إتكلمت عن الحب وإننا لازم نحب بعض ... لكن لما اتأذيت بجد عرفت إن اللغة دي صعبة😞 ومحتاج أسهر أذاكرها ... لما وثقت في ناس باعتني علشان حاجات متسواش اتوجعت بجد🥺 وكمان مطالب مني أكمل أحبهم وأسامحهم 🤦♀️... وقتها بطلت أتكلم عن المحبة علشان أكتشفت إن الموضوع صعب. لما سمعت كلام ظلم إتقال عليا وناس خبطتت في سمعتي ومطالب مني أفضل اتمنالهم كل الخير حسيت بنار جوايا ودموع وقهرة مش طبيعية ... لأني فعلاً مستاهلش ده . بس أكتشفت صلاة جديدة وهى ""يارب علمني أحب وأغفر "" صلاة علشان معجزة تحصل جوايا... صلاة عايزة معافرة ودموع .. . صلاة علشان أتعلم حاجة عكس طبيعة البشر ... صلاة علشان أرفض أكون شبه العالم😔 وفي يوم الناس اللى ظلمتني إتظلمت بنفس الطريقة .. . لكن اللي جوايا كان غريب ... مش شماتة ولا بشكر ربنا أنه جاب حقي ... أبداً لقيت لغة جديدة بتقول ينفع أصلي من أجلهم علشان أنا حاسس بوجعهم وهمهم ... اللحظة دي عرفت إني بس إتعافيت وخفيت 😍 واتعلمت لغات كمان 😉💜 ماعشرتوش_تبقى_ماتعرفوش 
|
 |
|
العرض المتطور