| |
|
|
|
|
|
||||||
 |
|
|
أدوات الموضوع | انواع عرض الموضوع |
|
|
|
#1
08 - 03 - 2022, 05:45 PM
|
||||
|
||||
 اشليل دنيا تلاهي .. وخطاوي بتجر خطاوي عالم بين قوسين اسمه ( صور وحكاوي ) ميه مبترويش .. وفلوس مبتغنيش والراحه استحاله وطوبي للي قدم للدنيا دي استقاله ساب العمر المزيف وف قلبه زاد الشوق مبصش يوم لتحت .. بالعكس بص لفوق وقال محتاج معونه قفل ببان الدنيا .. وفتح باب الطاحونه لما اترفعت ايديه .. صغر العالم ف عينيه كانت حياته صلاه كانت صلاته حياه أيام مبتتنسيش .. جوه مصر القديمه بين الشوارع والحارات كانت سما .. كانت سحابة تعزيات وعدت الأيام اوام وطالت الغربه الأرضيه وابونا مينا .. يبقي بابا اسكندريه راجل حكيم .. مشهور ب أعظم معجزات عازر بقا البابا كيرلس و بعد العمر والحكايات أن الأوان انه يسافر يفرد جناحه زي نسر ويطير ب فرحه ف الفضا اصل رحلة عمرنا .. هي مده محدده والغريب لازم هيرجع للوطن والروح .. لازم هتخرج م البدن اخر ساعاته ف الحياه كان زي طفل بيتولد .. سألوه قالوله .. ايه أحلي ايامك يا ابونا ؟! دق قلبه من الاشواق .. وقال : حياتي كلها ولا تسوي ليله ف الطاحونه ميه مبترويش .. وفلوس مبتغنيش والراحه استحاله وطوبي للي قدم للدنيا دي استقاله كتب استقالته بايده وهب حياته ل سيده وكان عايش ف قربه م الصبح لأخر الليل والسر كان .. ( اشليل ) اشليل .. كلمه وقالها ف القداس اشليل .. قالها لنفسه وكل الناس كانت دفه المركب بيها وصل للبر كانت سور يمنع عنه الأذي والشر كانت تسبحه .. كانت فرحه ودمعة واحد عاش متغرب واحد شاف العمر بيجري والملكوت عمال بيقرب غمض عينه وهو بيضحك .. شايف امجاد السموات شايف عمره شريط قدامه .. عدا وفات ساب الدنيا وراح ل حبيبه عوض قلبه عن الألامات جري علي حضن الله واطمن دي النهايات وياه بدايات بعد ده كله .. حد يقوللي .. هو البابا كيرلس عايش ولا البابا كيرلس مات ؟! ❤ 
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| لو كان البابا كيرلس عايش كنت رحت له | Mary Naeem | قسم البابا كيرلس السادس البطريرك رقم 116 | 0 | 29 - 07 - 2021 04:37 PM |
| شريط البابا كيرلس حبيب الطلبه - من سلسلة حياة ومعجزات البابا كيرلس السادس | Mary Naeem | قسم البابا كيرلس السادس البطريرك رقم 116 | 0 | 29 - 05 - 2021 01:28 PM |
| معجزات البابا كيرلس السادس - من سادس يوم من نهضة البابا كيرلس بكنيسة الشهيدة دميانة بقنا | Mary Naeem | قسم البابا كيرلس السادس البطريرك رقم 116 | 0 | 16 - 05 - 2021 11:14 PM |
| البابا كيرلس عايش فى قلوبنا | Ramez5 | صور البابا كيرلس السادس | 1 | 09 - 03 - 2021 02:19 PM |
| صورة تجمع البابا شنودة يقبل يد البابا كيرلس وصورة أخرى أبونا بيشوى كامل يقبل يد البابا كيرلس | Magdy Monir | صور البابا كيرلس السادس | 7 | 08 - 03 - 2013 05:50 AM |
العرض المتطور