23 - 02 - 2022, 09:59 PM
|
|
|
|
..::| الإدارة العامة |::..
|
|
|
|
|
|
فى تعب بنقدر عليه
وفى تعب بنحاول نجاريه
وفى تعب بيغلبنا ونغلبه
مع الوقت بنعرف نعديه .
لكن فى تعب مكمل شويه
تعب بيأذى الروح والنفسية
تعب غير اللى بيتشاف وبيتقال
تعب تعريفه فوق الاحتمال
دايرة وبنلف فيها
مين مسئول عنها
دايرة كل مافيها
تخلص وتبدأ من اولها
ماشين مفتحين عينينا
بس عمالين نتخبط
واللى يمسك بأيدينا
يطلع هو اللى بيتشعبط
بنقول اننا جامدين
احيانا بنحس اننا قادرين
و الايام مع فاعل مجهول
نكتشف اننا طلعنا كدابين
معنديش كلام ممكن اقوله
ببصلك ساكت الليل بطوله
هو انا ممكن اقولك ايه
و كل شيئ ومعايا فيه
بس عشمان فوعد اتقال
وعد حقيقى مش امثال
تعالوا اليّ يا كل المتعبين
تعالوا الىّ ياثقيلى الاحمال
وانا متمسك بوعودك ديه
اصلها وعود صادقة وحقيقية
مفيش غيرك يقدر ع الحالة
لما تبقى سبقاها استحالة
انا برتاح وانا بشكرك
بحس كأنى مش تعبان
بس مع الشكر بطلب رحمتك
اصل انا وغيرى محتاجينها قوام
|
