|
 |
 |
 |
|
|
|
رقم المشاركة : ( 1 )
20 - 02 - 2022, 09:37 PM
|
|||||||||||
|
|||||||||||
 راح للمسيح شاب قلبه كله حماس، جري عليه وسجد له بكل إخلاص.. عاوز يعرف ممكن يعمل أيه، علشان الحياة الأبدية تكون له ميراث.. قال له المسيح: أنت أكيد عارف كل الوصايا، اللي لو عملتها تضمن لك الخير والهداية.. بلاش تقتل ولا تزني ولا تسرق، واضمن لأبوك وأمك الإكرام والرعاية.. قاله الشاب: كل الوصايا دي أنا حافظها، ومن صُغري وأنا بحاول أعيشها.. بص له المسيح بنظرة مليانة محبة، وقاله: فاضلك حاجة واحدة تنفذها.. محتاج تبيع كل ممتلكاتك الكتير، وتدي من فلوسك للغلبان والفقير.. وتعال اتبعني شايل صليبك، وهيكون لك في السما كنز كبير.. اغتم الشاب من الكلام ومشي حزين.. وبص المسيح لتلاميذه وقالهم بكل يقين، دخول ملكوت الله صعب جداً.. لكل اللي على أموالهم متكلين، استغرب التلاميذ من كلام المسيح.. وسألوه بشكل واضح وصريح، ياترى مين من الناس يقدر يخلُص.. ويتخلص من خطاياه ويستريح، رد المسيح: مفيش حد من الناس، يقدر يوصل وحده للخلاص.. الله وحده هو اللي يقدر، يحط لخلاصكم أقوى أساس.. ودي رسالة مهمة لكل إنسان... بيفتش على الخلاص في كل مكان، حاول واجتهد وسعى بكل أمانة.. وفي الآخر رجع لنقطة الصفر يأسان، المسيح بيقدم خلاص مجاني... لكل شخص تعبان وبيعاني.. وعاوز يبدأ حياة جديدة.. وميرجعش للخطية والشر تاني.. المسيح دفع تمن خلاصنا على الصليب، لأنه عارف إن أعمالنا مش هتودي ولا تجيب.. وكل اللي يقبل عمل المسيح وصليبه، تترفع عنه خطيته ويصبح مقبول عند الله وحبيب. 
|
 |
|
| قد تكون مهتم بالمواضيع التالية ايضاً |
| الموضوع |
| رسالة الى كل حزين |
| رسالة الي كل حزين |
| رسالة الى كل حزين |
| «الشاطر» فى «مهمة إخوانية» بدبى و«حسين»: سفره «شخصى» |
| طه حسين عميد الادب العربي , قصة حياة طه حسين , معلومات عن طه حسين, نبذة عن طه حسين |
العرض المتطور