|
 |
 |
 |
|
|
|
رقم المشاركة : ( 1 )
06 - 02 - 2022, 04:13 AM
|
|||||||||||
|
|||||||||||
 عزيزتي ذرات الملح .. 🧂 عاملة ايه انهاردة؟ فعلا .. القعدة جوا البرطمان مريحة جدا..مفهاش اي دوشه ولا تعب .. الدلق و الخروج برا صعب جدا خصوصا الايام دي.. ولسه بقي مجهود التقليب والطحن جوا الاطباق ولا الحَله عشان تدوبي وتعملي الطعم المطلوب.. بس لو فضلتي مرحرحه كده جوا البرطمان عل الرف مين هيعمل دورك؟ مفيش ملح تاني غيرك في المطبخ كله علي فكرة.. متزعليش مني .. انا مش قاصدة ألومك او اتقل عليكي... انا بكلم نفسي معاكي .. انتي الاكل محتاجك .. و انا كأنسان اعرف ربنا العالم محتاجني .. بسؤالي علي متألم بابتسامتي بتقديري لضعف غيري. بشوية وقت اسمع حد تاني ب إنسانيتي ومحبتي اللي مش عايزه مصالح بصلوة عشان ناس تعبانة بحاجات بسيطة جدا تتعمل ف اليوم...بس فارقة جدا..في وقت العالم هيموت علي حاجه تطبطب عليه .ف ايام صعبة ملهاش اي طعم و لا معني من غير الرجاء اللي جوانا كمؤمنين و كل ده مش هيحصل من غير ما اخرج برا دايرة راحتي المريحة الجميلة.. و ابادر ناحية غيري عارفة؟! .. انا مش هكدب عليكي ..انا كتير قوووي مش بقدر انفذ الكلام ده..و مش بقدر انط برا البرطمان وانتشر و ابادر واروح للمحتاج والمضغوط والمتألم ..بس اديني بفكر نفسي وبحاول اقوم واعمل كده .. و يلا بقي عشان الاكل ده عادم قوي.. و ناقصة شويه ملح .. يلا؟ معلش يلا بينا .. و صدقيني بعدها هتمبسطي قوي ان الاكل بقي له طعم و لذيذ ..بسبب دورك اللي عملتيه يا ذرات الملح العزيزة .. 😉🤩😊 ............. " انتم ملح الأرض.. انتم نور العالم .. فليضيء نوركم هكذا قدام الناس لكي يروا اعمالكم الحسنة..و يمجدوا أباكم الذي في السماوات" متي ٥ " و اما ثمر الروح فهو : محبة ، فرح ، سلام ،صبر ، لطف ، صلاح ، إيمان، وداعة ، ضبط نفس " غلاطية ٥ : ٢٢ 
|
 |
|
العرض المتطور