زمان كانوا بيربونا على كده

[Mary Naeem]

زمان كانوا بيربونا على كده لكن للاسف كتير من الجيل الجديد الحالى لايعرف عنها شيئ :
- اسمها "حضرتك" مش "انت"
- اسمها "نعم" مش "ايه"
- وطي صوتك
- ماتحطش رجل على رجل قدام حد كبير
- ماتبقاش قاعد و سايب حد كبير واقف
- اقف بعيد عن الباب
- متتصلش بحد متأخر
- اقعد على الكرسي اللي مش كاشف البيت
- ماتزعلش حد في بيتك
- خبط على الباب قبل ما تفتحه
-كل من ناحيتك و ابعد الطبق عنك شويه
- قوم اول واحد من على الاكل لو معزوم
- استنى كلهم يقوموا لو انت اللي عازم
- متزورش حد فجأة
- تدخل بيت حد تبقى اعمى و تطلع اخرس
-في بيت غريب ماتقومش من مكانك غير لما حد يقولك
- اقفلي رجلك و انت قاعده
-افرد ضهرك و انت قاعد
- انزل مع اختك خدي بالك من اخوكي
- سيب الزفت التلفزيون ده يا تنام يا تذاكر
- تعال رايحين نعيد على قرايبنا
- روح ودي دي لجارتنا و قولها ماما بتسلم عليكي
- شيل من عمو الاكياس دي
- قوم خلي طنط تقعد
- ماتطلعش ورا بنت السلم يا تطلع قدامها يا تستنى شويه و تطلع
- لو حد طالع وراكي اقفي في كورنر السلم عديه و بعدين اطلعي
- انت مش احسن من حد ولا حد احسن منك
- ماتقارنش نفسك بحد
-قول شكرا قول اسف اللي يعتذر الاول هو الاقوى
- ما تشدش حاجه من ايد حد
-ماتسبقش حد كبير و انت ماشي
-افتح الباب للكبير و للبنت
- باب مقفول تخبط حتى لو عارف ان مافيش حد
- قول الحق ولو على رقبتك
- لبس النادي ده مينفعش يتخرج بيه
- لبس البيت غير لبس النوم
- عيب دا اكبر منك
- دا حرام ويغضب ربنا
- بطل دوشة الناس نايمة
- متخليهمش يدفعوا .. ادفع انت
- مترميش حاجه في الشارع
- نضف مكان مبهدلت
- متجيش ناحيتها دي أمانة ...

[katea]

كلامك كلو صحيح وواقعي قليل بقئ عايش علئ التقاليد
الجيل الجديد له حياة جديدة
مشاركة راااائعة
ربنا يبارك خدمتك ياقمر

[Mary Naeem]

شكرا على المرور

[بشرى النهيسى]

كل امور الحياه اتغيرت الى الأسوأ ولا يوجد قدوه
ولا أهتمام لا فى الاسره
ولا المدرسه
ولا الكنيسه حتى للاسف

ربنا يفرح قلبك