لكل يوم زوّادة: براءة الأطفال : 20 / 11 / 2021 /

[souad jaalouk]

لكل يوم زوّادة: براءة الأطفال

بيخبرو عن بنت زغيرة كانت مع امها بالقدّاس و الأبونا كان عم يوعظ و يقول: ربنا بيكتب اسم المختارين تا يفوتو عالملكوت و بينقّيهن حسب اعمالن. راحت عالبيت ركعت قدّام صورة يسوع و صارت تصلّي. سمعتها امها عم تقول: يا رب انا ما بعذّب اهلي و بسمع الكلمة و شاطرة بالمدرسة بيكفو هودي الأعمال تا تكتبلي اسمي؟ انا اسمي ماري كريستين، رح هجّيلك ياه حرف حرف احسن ما تغلّط فيه و ما يفَوتوني! و رح قلّك اسم امّي و بيّي و اخواتي بَركي في بنات غيري اسمن هيك كمان حتّى يعرفوني الملايكة عالباب...
براءة الأطفال مش مختلفين عليها بس انتبهتو قدّيش هالزغيرة عندها إصرار تفوت عالسما؟!! لو الناس اليوم عندن ربع اصرارها كانت الدني بألف خير، كانت اعمال الناس بتكون غير هيك اكيد! يا رب ازرع فينا اصرار و عزيمة هالزغيرة...الله يكون معكن وين ما كنتو

[Ramez5]

ميرسى على زوادة هذا اليوم المبارك

[walaa farouk]

ميرسي علي زوادة اليوم
ربنا يفرح قلبك

[Mary Naeem]

آمين يا رب