الخادمة المشلولة

[Mary Naeem]

سيدة مشلولة طلبت تخدم فى الكنيسة .. وطلبت من الخادمات والخدام لو ممكن تساعد فى اى حاجة .. لكن الخدام قالوا لها ربنا يشفيكى الاول .. وبعدين نشوف موضوع الخدمة
لكن واحد من الخدام حكى الموضوع لأبونا الكاهن على سبيل الدعابة ، لكن ابونا فكر وقال وماله تخدم فى اجتماع السيدات وراح لها زيارة .. و وجد الخدمة اللى ممكن تقوم بها ، فقال لها أنا سأكتب لك ارقام تليفونات السيدات اللى لا يحضروا مطلقاً وانت وشطارتك تفتقديهم بالتليفون يمكن حد منهم ييجى الاجتماع .
المفاجاة اللى أذهلت الخدام .. ان اغلب السيدات دول بقوا مواظبين على الاجتماع اكتر من غيرهم .. بعد افتقاد هذه السيدة لهم ، فأبونا سالها انت عملتى ايه علشان السيدات دول يحضروا رغم ان كلنا غلبنا معاهم ؟
فقالت لأبونا : أنا باقول لهم ان أنا نفسى احضر الاجتماع زيكم بس أنا مش باقدر أتحرك لانى مشلولة ومش بامشى ، فأنتم تحضروا ، وانا سوف اتصل بكم تشرحوا لى اللى تقدروا عليه من الدرس اللى أنتم حضرتوه ، وفعلاً باتصل بهم تانى بعد كده واسمع منهم كلمة ربنا وبعضهن عرفوا عنوانى و بيزورونى بعد الاجتماع وبقينا أصدقاء وأشكر ربنا حياتى بقت اجمل
علشان كده اهم حاجة القلب اللى بيحب الخدمة وليس التواجد بالجسد فقط فى مكان الخدمة .
ربنا يقبل اى حاجة واى حد حتى لو كان ماعندوش مؤهلات للخدمة ويكبر عملنا زى المرأة اللى قدمت الفلسين

[بشرى النهيسى]

جميل جدا جدا ورااائع
ربناا يفرح قلبك