من أهم المفاهيم اللي وضحت عندي مفهوم إن "ربنا صالح".
كل وجع عِشته، وكل أذى اتعرضت له من شخص كان ناتج عن حرية الشخص ده، هو بحريته اختار يؤذيني؛ ولأن "ربنا صالح" مش بينتهك حرية الشخص اللي بيؤذي..
لكن عمل الله هنا هو الشفاء، ربنا صالح لأنه بيضمد جراحي وبيدي سَكينة وسلام، بيشفي كل وجع وألم، وبيدي رجاء..
هل الله بيعوض؟ على حسب مفهومي عن التعويض..
لو التعويض بالنسبة لي حاجة قصاد حاجة، يعني خسرت علاقة فيعوضني بعلاقة، خسرت شغل فيعوضني بشغل.. يبقى لأ مش بيعوض، لأنه مش بالضرورة هيحصل..
التعويض بالنسبة لي هو مباركة حياتي بكل ما فيها، التعويض إن سلامه يسكن قلبي، ربنا صالح ومن صلاحه بيمهد لي طرق ماكُنتش بفكر فيها ومش في حساباتي علشان أشعر بيه أكتر من خلالها.. بيبارك حياتي بكل ما فيها من شغل وعلاقات وغيره.. لما سلام الله يحل في قلبي؛ ده اسمه تعويض..
03 - 11 - 2021, 05:44 PM
العرض المتطور