|
 |
 |
 |
|
|
|
رقم المشاركة : ( 1 )
02 - 11 - 2021, 09:53 AM
|
|||||||||||
|
|||||||||||
 المرأة التي كانت خاطئة كلنا بنغلط لما نطلق عليها المرأة الخاطئة لكن الكتاب ذكر لينا في انجيل معلمنا لوقا وإذ أمرأة في المدينة كانت خاطئة لما سمعت ان السيد المسيح موجود في بيت سمعان الفريسي قررت تروح للسيد المسيح وتعمل أعظم الفضائل اللي هنتعلمها مع بعض 1- كانت خاطئة قبل ما تروح للسيد المسيح تركت خطاياها ورا ظهرها وباعت العالم علشان تشتري اللؤلؤة الغالية اللي هي يسوع 2- قررت ونفذت في الحال كان ممكن تقول اقابله بعيد عن الناس أو على الأقل لما يكون مع تلاميذه علشان يكون أخف من أني اروح بيت الفريسي والفريسي معروف انه قلبه قاسي وكلامه صعب ماهتمتش بكل ده غير انها رايحة للمسيح 3- جات من وراه باكية أول طريق التوبة هو الندم على الخطية ولأنها كانت ليها توبة صادقة السيد المسيح غفرلها خطاياها 4- خرجت مبررة بعد ما قدمت كل ما لها للمسيح من دموع ومسحت رجليه بشعر راسها اللي كان تاج جمالها وحس الرب يسوع انها تابت من كل قلبها قالها" مغفورة لك خطاياك اذهبي بسلام" تعالوا نطبق اللي اتعلمناه 1- اترك الخطية أول بأول ومهما سقطت قوم بسرعة وقول للشيطان والخطية " لا تشمتي بي يا عدوتي فإني وإن سقطت أقوم" 2- إياك انك تأجل توبتك لأنك لا تضمن انك هتعيش لحظة واحدة 3- اندم على كل لحظة خطية وابعد عن أي مسبب للخطية ان كان شخص أو مكان أو موقف 4- اذهب للكنيسة علشان المسيح ولا تفكر في الاشخاص مهما كان الخدام معثرين او الكاهن أو الشعب لا تهتم إلا بالمسيح 
|
 |
|
العرض المتطور