|
 |
 |
 |
|
|
|
رقم المشاركة : ( 1 )
15 - 09 - 2021, 09:05 AM
|
|||||||||||
|
|||||||||||
 في اللقطة دي لو كنت هناك فا في شوية حاجات كده الحقيقة وجودها يررررعب.😨 ١- ليل مظلم قوي قوي ومش شايف قوي قدامك ٢- امواج عااااليه بتخبط في مركب انت فيه وبحر هايج مالوش اي حل تقدر تعمله ٣- الصوت اصلا مرعب صوت الماية والموج اللي بيخبط من كل ناحية ٤- البلل اللي انت فيه ومغرق وشك وجسمك وجايز يعني بالعافيه مفتح عنيك ٥- واذ فجأة في هذا الجو المرعب تشوف حد من بعيد جاي ماشي على المايه نعم! -معلش يعني الوقت ده كل حاجه فاكرها حصلت حلوه مع ربنا في السنين اللي فاتت… اتبخرت . - ايوه يمكن عندك كام ذكرى حلوين ، بس مش في قدرة مخك قوي تستحضرهم قوي دلوقتي - فاكر كام تعليق كده حلوين وشهادة من ناس كتير كانوا في يوم معاك ان ربنا كبير ويقدر… بس الموج والليل والخوف صوتهم اعلى وقتها سمعوا صوت جاي من بعيييييد بيقول "لاتخافوا" ودي مش لا نهي ولا امر … دي ال "لا" اللي بنقولها لحبايبنا وولادنا واهالينا واصحابنا لما بتقولهم " بااااس ماتخفش". كأنك يعني كده بطمنه بتقوله (انا هنا) ولما (انا هنا) تتقال من يسوع ولما (انا هنا) تتقال وسط الليلة السودة دي ولما ( انا هنا) تتقال من حد قدير ومحب وعادل مش بتمنع الخوف ولا بتخفيه لكن بتساعدنا مانبقاش (جبناء) ولا (سلبيين) ولا (متواكلين) ولا (فاقدين الامل) (انا هنا ماتخافوش) دي جملة تساعدنا نكمل، ونحاول، ونجرب تاني ونستنى لان في صوت مش هين ومش من حد عادي قالنا ( انا هنا) 
|
 |
|
| قد تكون مهتم بالمواضيع التالية ايضاً |
| الموضوع |
| السماء هاتتكلم ماتخافوش ! |
| السماء هاتتكلم ماتخافوش ! |
| ماتخافوش |
| ماتخافوش |
| السماء هاتتكلم ماتخافوش |
العرض المتطور