06 - 09 - 2021, 06:36 PM
|
|
|
|
..::| الإدارة العامة |::..
|
|
|
|
|
|
قبل كل حاجه ممكن تطلبها من ربنا
اطلب منه ( حياة ) .. اه حياة حياة فى علاقاتك مع الناس والاصحاب
حياة جوه نفسك وروحك فتحس انك هادى ومرتاح من جواك ..
حياة فى قلبك ومشاعرك فتفيض حب على كل اللى تعرفهم واللى متعرفهمش وعلى كل اللى بيحبوك او اللى حتى أذوك وجرحوك
حياة فى فمك ولسانك وفى كل كلمه هتقولها
حياة جديده لعيونك فتشوف بيها الغير بنظره جديده فيها حب وغفران وسلام
حياة مختلفه لتفكيرك فتشوف الامور والدنيا بنظره مختلفه حلوه فيها رضى وفرح غير عادى اطلب منه ( حياة ) جوه الحياه نفسها اللى انت عايشها .. لان ياما ناس جوه الحياة اموات وزى الجثث الهامده ومش عايشين ولا حاسين بأى طعم للحياة ابدا
اطلب حياة من ( ربنا ) وبما ان ربنا هو الحياه فالارتباط والتعلق بيه هيمنحك بمرور الوقت ( حياة ) ان قابلته بجد هيؤمر ( ليكن ) نور و حياة لنفسك ولروحك ولكل حاجه هتتمد ليها ايديك فى شغلك وبيتك وفى كل مكان وفى كل حاجه بتعملها هيكون فيها حياه من رب الحياة اللى جوه قلبك
|
